‘నితిన్ సినిమాలో నయనతార ఫిక్స్?

బాలీవుడ్ లో సూపర్ హిట్ అయిన ‘అందాదున్’ చిత్రాన్ని తెలుగులో నితిన్ హీరోగా రీమేక్ కాబోతున్న సంగతి తెలిసిందే. ‘వేంకటాద్రి ఎక్స్ ప్రెస్’ ‘ఎక్స్ ప్రెస్ రాజా’ ‘కృష్ణార్జున యుద్ధం’ వంటి చిత్రాలను తెరకెక్కించిన మేర్లపాక గాంధీ ఈ చిత్రానికి దర్శకుడు. నిజానికి ఈ చిత్రం విడుదలైనప్పుడే చాలా మంది తెలుగు ప్రేక్షకులు చూసేసారు. ఇక లాక్ డౌన్ సీజన్లో.. మరింత ఎక్కువగా చూసేస్తున్నారు. ఈ క్రమంలో ఈ స్క్రిప్ట్ లో భారీగా మార్పులు చేస్తున్నారట.

అంతేకాదు పెద్ద పెద్ద క్యాస్టింగ్ ను పెడితే భారీగా హైప్ ఏర్పడుతుంది అని కూడా భావిస్తున్నారట. ఈ క్రమంలో పూజా హెగ్డే వంటి స్టార్ హీరోయిన్ ను తీసుకోవాలి అనుకున్నారు.కానీ ఆమె పారితోషికం ఎక్కువ చెప్పడంతో నితిన్ అండ్ టీం లైట్ తీసుకున్నారని సమాచారం. ఇక విలన్ టబు పాత్ర కోసం అనసూయ ను అడిగారు కానీ ఆమె ఒప్పుకోలేదు. ఇలియానా ను కూడా సంప్రదించారట. కానీ నెగిటివ్ రోల్స్ ఆమె చెయ్యని అని తిప్పి కొట్టిందట.

ఇప్పుడు నయన తార ను సంప్రదిస్తున్నట్టు వినికిడి. వైవిధ్యమైన పాత్రలు చెయ్యడానికి ఆమె ఎప్పుడూ సిద్దమే కానీ.. పారితోషికం మాత్రం భారీగా పెట్టాలి. ఇప్పుడు సరిగ్గా అదే జరుగుతుంది. ఈ రిమేక్ కు నిర్మాత కూడా నితినే కాబట్టి.. నయన్ తో భేరాలు మొదలుపెట్టాడట. ఒకవేళ నయన్ కనుక ఒప్పుకుంటే.. కచ్చితంగా ఇది మంచి ప్రాజెక్ట్ అవుతుంది. చూడాలి ఫైనల్ గా ఏమవుతుందో..!

Most Recommended Video

ఎక్కువ రోజులు థియేటర్స్ లో ప్రదర్శింపబడిన సినిమాల లిస్ట్!
విడుదల కాకుండానే పైరసీ భారిన పడ్డ సినిమాలు ఎవేవంటే..?
ఈ బుల్లితెర నటీమణుల పారితోషికాలు ఎంతో తెలిస్తే షాక్ అవ్వాల్సిందే..!