సాధారణంగా ఒక సినిమా విడుదలకు సిద్ధమవుతుంది అంటే పెద్ద ఎత్తున సినిమా ప్రమోషన్ కార్యక్రమాలను నిర్వహిస్తారు. ఈ సినిమా ప్రమోషన్ కార్యక్రమాలలో భాగంగా ప్రతి ఒక్కరూ పలు ఇంటర్వ్యూలకు హాజరవుతూ సినిమాని ప్రమోట్ చేస్తూ సినిమాకి మంచి హైప్ క్రియేట్ చేస్తూ ఉంటారు. ఇలా చిన్న హీరోల నుంచి మొదలుకొని సూపర్ స్టార్స్ వరకు కూడా ప్రతి ఒక్కరు ప్రమోషన్లలో పాల్గొంటూ ఉంటారు. ఇలా ప్రమోషన్లలో పాల్గొనడానికి నయనతార మాత్రం మినహాయింపు అని చెప్పాలి.
లేడీ సూపర్ స్టార్ గా దక్షిణాది సినీ ఇండస్ట్రీలో ఎంతో మంచి గుర్తింపు సంపాదించుకున్నటువంటి నయనతార గత కొంతకాలంగా తాను సినిమా ప్రమోషన్లకు రాను అనే కండిషన్ తోనే సినిమాలకు సైన్ చేస్తున్నారు. ఇలా ఈమె నటించే ఏ సినిమా ప్రమోషన్లకు కూడా హాజరు కారు. కేవలం తన నిర్మాణంలో నటించిన సినిమాలకు మాత్రమే ప్రమోషన్స్ చేస్తూ ఉంటారు.
ఇలా ప్రమోషన్లకు దూరంగా ఉండటంతో చిత్ర నిర్మాతలు దర్శకులు హీరోలు మాత్రమే సినిమాలను ప్రమోట్ చేస్తూ ఉంటారు కానీ జవాన్ సినిమా విషయంలో మాత్రం నయనతార రంగంలోకి దిగబోతుందని తెలుస్తోంది. కోలీవుడ్ డైరెక్టర్ అట్లీ దర్శకత్వంలో బాలీవుడ్ స్టార్ హీరో షారుక్ ఖాన్ నటించిన జవాన్ సినిమా సెప్టెంబర్ 7వ తేదీ విడుదల కానున్న నేపథ్యంలో ప్రమోషన్ కార్యక్రమాలను మొదలుపెట్టారు. ఇక ఈ సినిమాలో నయనతార హీరోయిన్ పాత్రలో నటించిన సంగతి మనకు తెలిసిందే.
ఈ సినిమా సెప్టెంబర్ 7వ తేదీ విడుదల కానున్న నేపథ్యంలో ఇప్పటికే అన్ని భాషలలోనూ ప్రమోషన్ కార్యక్రమాలను మొదలుపెట్టారు. కోలీవుడ్ ఇండస్ట్రీ సమాచారం ప్రకారం ఈ సినిమా ప్రమోషన్లలో భాగంగా నయనతార పాల్గొంటూ తాను రూల్స్ బ్రేక్ చేయబోతుందని తెలుస్తోంది. ఈ సినిమా ఈమెకు మొట్టమొదటి బాలీవుడ్ సినిమా కావడంతో షారుక్ తో కలిసి పలు ప్రమోషన్లకు హాజర అవ్వాలని నిర్ణయం తీసుకున్నారట మరి నయనతార (Nayanthara) గురించి వస్తున్నటువంటి ఈ వార్తలలో ఎంతవరకు నిజముందో తెలియాల్సి ఉంది.
జైలర్ సినిమా రివ్యూ & రేటింగ్!
భోళా శంకర్ సినిమా రివ్యూ & రేటింగ్!
‘భోళా శంకర్’ తో పాటు సిస్టర్ సెంటిమెంట్ తో రూపొందిన సినిమాల లిస్ట్..!
