సౌతిండియాలో అత్యధిక రెమ్యూనరేషన్‌ అందుకుంటున్న హీరోయిన్‌ ఎవరు అంటే… నయనతార అని ఠక్కున చెప్పేస్తారు సినిమా జనాలు. ఆమె సినిమాలో ఉంటే.. హిట్ కళ వచ్చేసింది అని అనుకోవడమే ఆమె రెమ్యూనరేషన్‌కి కారణం. ఇక లేడీ ఓరియెంటెడ్‌ సినిమా అంటే ఆ లెక్క ఇంకాస్త ఎక్కువే ఉంటుంది. ఇటీవల ఓ లేడీ ఓరియెంటెడ్‌ సినిమాకు నయన్‌ ₹ఐదు కోట్లు అందుకుందని టాక్‌. అయితే తాజాగా ఆ మొత్తం పెరిగిందట. ఒకటో రెండో కోట్లు కాదు.. ఏకంగా డబుల్‌ అయ్యిందని టాక్‌.
నయనతార తాజాగా ‘నెట్రికన్‌’ అనే సినిమా చేసింది. కరోనా సెకండ్‌ వేవ్‌ – లాక్‌డౌన్‌ పరిస్థితుల వల్ల సినిమాను ఓటీటీలో విడుదల చేయాలని చిత్రబృందం నిర్ణయించింది. దీని కోసం నిర్మాతకు ₹20 కోట్లు – ₹25 కోట్ల వరకు ఇస్తున్నారని సమాచారం. దీంతోపాటు ఇతర హక్కుల రూపంలో ₹10 కోట్లు – ₹12 కోట్ల వరకు వస్తోంది. అంటే మొత్తంగా ఈ సినిమా మార్కెట్‌ ₹30 – ₹35 కోట్లు. ఆ లెక్కన నయనతార మార్కెట్‌ విలువ కూడా అంతే. అంతే కాదు ఈ సినిమా కోసం నయనతార అందులో 30 శాతం తీసుకుంటోందని టాక్‌.
అవును.. ‘నెట్రికన్‌’కు నయనతార పారితోషికం సుమారు ₹10 కోట్లు అని సమాచారం. కోలీవుడ్‌లో ఇప్పుడు ఇదే టాక్‌ ఆఫ్‌ ది టౌన్‌. ఓ మోస్తరు హీరోలకే ఇంత డబ్బులు రావడం లేదు. అలాంటిది నయన్‌కు ఇస్తున్నారా అని మాట్లాడుకుంటున్నారు. మరోవైపు నయనతారను చూసే సినిమాకు ఆ మాత్రం పలికిందని కాబట్టి ఆమెకు అంత ఇవ్వడం సబబే అని అనేవాళ్లు కూడా ఉన్నారు.
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home