‘లూసిఫర్’ రీమేక్ గురించి ఇంట్రెస్టింగ్ అప్డేట్..!

మెగాస్టార్ చిరంజీవి ప్రస్తుతం కొరటాల శివ డైరెక్షన్లో ‘ఆచార్య’ మూవీ చేస్తూనే.. తన తదుపరి సినిమాల పై కూడా ఫోకస్ పెట్టారు. ఇందులో భాగంగా ‘ఆచార్య’ పూర్తయిన వెంటనే ఆయన ‘లూసిఫర్’ రీమేక్ షూటింగ్లో జాయిన్ కానున్నారు. తమిళ దర్శకుడు మోహన్ రాజా ఈ చిత్రానికి దర్శకత్వం వహించనున్నాడు. ఇదిలా ఉండగా.. మలయాళంలో సూపర్ హిట్ అయిన ‘లూసిఫర్’ ను తెలుగులో చాలా మార్పులతో రీమేక్ చేస్తున్నారని మొన్నటి వరకూ ప్రచారం జరిగింది.

ఒరిజినల్ హీరోయిన్ ట్రాక్ ఉండదు… పాటలకు కూడా ఎక్కువ స్కోప్ ఉండదు. కానీ తెలుగులో మాత్రం హీరోయిన్ ట్రాక్ అలాగే పాటలు కూడా ఉండేలా ఛేంజెస్ చేస్తున్నట్టు స్పష్టమవుతుంది. ఇందులో భాగంగా.. హీరోయిన్ గా నయనతార ఫిక్స్ అనే వార్తలు వినిపించాయి. ‘సైరా’ తరువాత మరోసారి ఈ కాంబినేషన్ ఉండబోతుందని అంతా అనుకున్నారు. కాకపోతే ఈ చిత్రంలో నయన్.. చిరుకి చెల్లెలి వరుస గల పాత్రను పోషించబోతున్నట్టు తాజా సమాచారం. ఒరిజినల్ లో హీరోకి వరుసకు చెల్లెలు అయ్యే పాత్రలో మంజు వారియర్ కనిపించింది.

ఇక్కడ అలాంటి పాత్రలోనే నయన్ కనిపించబోతుందని గుస గుసలు వినిపిస్తున్నాయి. ఇది నిజమే అయితే ఆడియెన్స్ ఈ వార్తను ఎలా జీర్ణించుకుంటారు అనేది పెద్ద ప్రశ్న. ఆల్రెడీ గత చిత్రంలో వీరు జంటగా కనిపించారు.. ఈసారి అన్న- చెల్లిగా కనిపిస్తే ఆడియెన్స్ ఎంత వరకూ యాక్సెప్ట్ చేస్తారు.ప్రస్తుతం ఇలాంటి డిస్కషన్లే జరుగుతున్నాయి.

Most Recommended Video

కాపటధారి సినిమా రివ్యూ & రేటింగ్!
దృశ్యం 2 సినిమా రివ్యూ & రేటింగ్!
ఉప్పెన సినిమా రివ్యూ & రేటింగ్!