రిలీజ్ కి సిద్ధమైన రవితేజ మూవీ టీజర్

రెండు విజయాల తర్వాత కళ్యాణ్ కృష్ణ హ్యాట్రిక్ హిట్ కోసం చేస్తున్న సినిమా నేల టికెట్. మాస్ మహారాజ్ రవితేజ నటిస్తున్న ఈ సినిమా షూటింగ్ దాదాపు పూర్తి కావచ్చింది. ఈ సినిమా ఫస్ట్ లుక్ తో పాటు… హీరోయిన్ తో కలిసి ఉన్న స్టిల్స్ ఫ్యాన్స్ ని ఆకట్టుకుంది. ఇందులో రవితేజ ఎంబీబీఎస్ చదవకపోయినా డాక్టర్ అంటూ చెప్పుకుంటూ తిరిగేస్తుంటాడు. నకిలీ డాక్టర్ అనేది పేరుకు మాత్రమే. మనిషి మాత్రం మంచోడు. సినిమా మొత్తం విలేజ్ బ్యాక్ డ్రాప్ లో నడుస్తుంది. నకిలీ డాక్టర్ గా ఉన్న రవితేజ ఫుల్ గా నవ్వించనున్నారు. ఈ సినిమా టీజర్ రిలీజ్ కి ముస్తాబవుతోంది.

ఆదివారం (ఏప్రిల్ 22) ఉదయం 9 గంటలకు టీజర్ విడుదల చేయనున్నట్టు చిత్ర బృందం ప్రకటించింది. ఈ మూవీలో జగపతి బాబు రాజకీయనాయకుడి పాత్రలో కనిపించబోతున్నారు. జగ్గూభాయ్, రవితేజ మధ్య ఉండే సన్నివేశాలు ఆసక్తికరంగా ఉంటాయని సమాచారం. ఎస్‌ఆర్‌టీ మూవీస్‌ పతాకంపై రామ్ తాళ్లూరి నిర్మిస్తున్న ఈ చిత్రానికి ఫిదా ఫేం శక్తికాంత్ సంగీతం అందిస్తున్నారు. టచ్ చేసి చూడు సినిమా తర్వాత రవితేజ చేస్తున్న ఈ సినిమా వచ్చేనెల 24న రిలీజ్ కానుంది.