బోయపాటి సినిమాలు చూసేటప్పుడు లాజిక్లు అస్సలు పట్టించకోకూడదు అంటుంటారు. ఎందుకంటే ఆయన హీరో ఒక్కోసారి దేవుడు అయిపోతాడు. తల గాల్లోకి ఎగిరితే.. గద్ద వచ్చి ఎత్తుకెళ్లిపోతుంది. ఇప్పడు ఆయన లాజిక్ల గురించి ఎందుకు అనుకుంటున్నారా? ఉందీ కారణం ఉంది. ఎందుకంటే ఆయన కొత్త సినిమా ‘స్కంద’ టైటిల్ అనౌన్స్మెంట్ టీజర్ను రిలీజ్ చేశారు. అందులో ఇస్మార్ట్ హీరో రామ్ భలే మాసీగా కనిపించాడు. అయితే ఈ క్రమంలో రక్తం రంగు మారిపోయింది.
‘‘మీరు దిగితే ఊడేదుండదు.. నేను దిగితే మిగిలేదుండదు’’ అంటూ రామ్ చేత మాస్ డైలాగ్ చెప్పించారు. డైలాగ్ అయితే అదిరిపోయింది. ఇక సినిమాలో ఇలాంటి డైలాగ్స్ ఇంకెన్ని ఉంటాయో చూడాలి. అయితే ఇక్కడ విషయం ఏంటంటే.. ఈ డైలాగ్ చెప్పినప్పుడు షూట్ చేసిన ఫైట్ అంతా ఓ కోనేరు లాంటి ప్రదేశంలో తీశారు. అంటే అందులో వాటర్ ఉంటుంది. ఇప్పుడు వాటర్ గురించి ఎందుకు అనుకుంటున్నారా? ఉంది దీనికి ఈ డిస్కషన్లో స్పేస్ ఉంది.
మాస్ ఎమోషన్ ఉన్న ఈ ఫైట్ క్రమంలో బోయపాటి మార్క్ రక్తపాతం భారీగా జరిగింది. అయితే ఆ రక్తం ఎరుపు రంగులో ఉండాలి కదా. కానీ వీడియోలో చూస్తే రక్తం నారింజ రంగులోకి మారింది. దీంతో నెటిజన్ల నుండి కామెంట్ల వర్షం కురుస్తోంది. నారింజ రంగు రక్తం ఎందుకొచ్చింది అనే ప్రశ్న వేస్తున్నారు. ఇందాక చెప్పిన వాటర్ ఇక్కడ రక్తంతో కలసినా నారింజ రంగు రాదు కదా అని కూడా అంటున్నారు. మరి ప్రతి ప్రశ్నకు లాజిక్ చెప్పే బోయపాటి ఈ నారింజ రంగు బ్లడ్కి ఏం సమాధానం చెబుతారో చూడాలి.
ఇక ఈ సినిమా (Skanda Movie) సంగతి చూస్తే… శ్రీలీల కథానాయికగా నటిస్తున్న ఈ సినిమాఉన సెప్టెంబరు 15న ప్రేక్షకుల ముందుకు తీసుకొస్తున్నారు. పాన్ ఇండియా స్థాయిలో ఈ సినిమాను రిలీజ్ చేసి రామ్ను పాన్ ఇండియా స్టార్గా చూపించాలనే ప్రయత్నం జరుగుతోంది. అయితే మరి మన మాస్ రక్తపాతం పాన్ ఇండియా స్థాయిలో ఎలాంటి స్పందన తీసుకొస్తుందో చూడాలి.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
