Vicky Kaushal : వివాహ బంధాన్ని తక్కువ చేస్తూ విక్కీ కౌశల్ వ్యాఖ్యలు.. ఈ పద్ధతి సరికాదు అంటున్న నెటిజన్లు

బాలీవుడ్ నటుడు విక్కీ కౌశల్ చేసిన కొన్ని సరదా వ్యాఖ్యలు ప్రస్తుతం సోషల్ మీడియాలో పెద్ద చర్చకు దారితీశాయి. సాధారణంగా తన సింపుల్ నేచర్, హుందాతనంతో అభిమానులను ఆకట్టుకునే విక్కీ, ఈసారి మాత్రం తన కామెంట్స్ వల్ల వివాదంలో నిలిచారు. ఒక ప్రైవేట్ వెడ్డింగ్ ఈవెంట్‌లో పాల్గొన్న సందర్భంగా ఆయన చేసిన జోకులు వైరల్ అవుతూ నెటిజన్ల ఆగ్రహానికి గురవుతున్నాయి.

Vicky Kaushal

ఆ వేడుకలో వరుడి కుటుంబంతో సరదాగా మాట్లాడుతూ, తన డైలాగ్ “How’s the josh?”ను ప్రస్తావిస్తూ పెళ్లి తర్వాత జీవితంపై వ్యాఖ్యానించారు. బ్రహ్మచారులలో ఉత్సాహం ఎక్కువగా ఉంటుందని, పెళ్లి తర్వాత ఆ జోష్ క్రమంగా తగ్గుతుందని సరదాగా అన్నారు. అయితే ఈ కామెంట్స్‌ను కొందరు వినోదంగా తీసుకోగా, మరికొందరు మాత్రం అవి సరైన సందేశం ఇవ్వవని విమర్శిస్తున్నారు.

ప్రత్యేకంగా సోషల్ మీడియా వేదికలలో ఈ విషయంపై మిశ్రమ స్పందన కనిపిస్తోంది. “పబ్లిక్ ప్లాట్‌ఫామ్‌లో వివాహ బంధంపై ఇలా ప్రస్తావించడం అవసరమా?” అని కొందరు ప్రశ్నిస్తుండగా, “ఇలాంటి జోకులు ఇప్పుడు అనవసరం” అని మరికొందరు అభిప్రాయపడుతున్నారు. మరోవైపు, కొందరు అభిమానులు మాత్రం ఇది కేవలం సరదా వ్యాఖ్య మాత్రమేనని, దానిని ఇంత సీరియస్ గా తీసుకోవాల్సిన అవసరం లేదని అంటున్నారు.

కాగా, విక్కీ కౌశల్ మరియు కత్రినా కైఫ్ బాలీవుడ్‌లో అభిమానించే జంటల్లో ఒకరు. అయితే ఈ వ్యాఖ్యలపై వీరిరువురిలో ఒక్కరు కూడా ఇప్పటివరకు స్పందించకపోవడం గమనార్హం. ఈ విషయం ఇక్కడితో ముగుస్తుందా లేక మరింత చర్చకు దారితీస్తుందా అనేది చూడాలి.

Kota Srinivasa Rao : ఆస్కార్స్ నుంచి విశిష్ట గౌరవం అందుకున్న స్వర్గీయ కోట శ్రీనివాసరావు!