ఈ మధ్య కాలంలో బాలీవుడ్ స్టార్ హీరోల సినిమాలు వరుసగా ఫ్లాప్ అవుతుండటంతో బాలీవుడ్ ప్రేక్షకులు తీవ్రస్థాయిలో నిరాశ చెందుతున్నారు. సౌత్ సినిమాలు బాలీవుడ్ ఇండస్ట్రీలో కళ్లు చెదిరే స్థాయిలో కలెక్షన్లను సాధిస్తుండగా నార్త్ సినిమాలు ప్రదర్శిస్తున్న థియేటర్లు మాత్రం తొలిరోజే కలెక్షన్లు లేక వెలవెలబోతున్నాయి. అయితే తాజాగా విజయ్ సేతుపతితో పోల్చుతూ హృతిక్ రోషన్ ను నెటిజన్లు ట్రోల్ చేస్తున్నారు. తమిళంలో కొన్నేళ్ల క్రితం బ్లాక్ బస్టర్ హిట్ గా నిలిచిన సినిమాలలో విక్రమ్ వేద సినిమా కూడా ఒకటి.
మాధవన్, విజయ్ సేతుపతి ఈ సినిమాలో ప్రధాన పాత్రల్లో నటించారు. బాలీవుడ్ లో కూడా ఈ సినిమా విక్రమ్ వేద టైటిల్ తోనే రిలీజ్ కానుండటం గమనార్హం. హృతిక్ రోషన్, సైఫ్ అలీ ఖాన్ ఈ సినిమాలో నటించగా తాజాగా విక్రమ్ వేద హిందీ టీజర్ విడుదలైంది. ఈ టీజర్ విడుదలైన తర్వాత సోషల్ మీడియాలో విజయ్ సేతుపతి పేరు మారుమ్రోగుతోంది. విజయ్ సేతుపతి, హృతిక్ రోషన్ నటనను పోల్చుతూ విజయ్ సేతుపతి న్యాయం చేసిన స్థాయిలో హృతిక్ రోషన్ తన పాత్రకు న్యాయం చేయలేదని నెటిజన్ల నుంచి కామెంట్లు వినిపిస్తున్నాయి.
హృతిక్ రోషన్ ఓవర్ యాక్టింగ్ చేశాడంటూ విజయ్ సేతుపతి అభిమానులు అభిప్రాయం వ్యక్తం చేస్తున్నారు. ఇండియాలో విజయ్ సేతుపతిని మించిన నటుడు లేడని విజయ్ సేతుపతి ఫ్యాన్స్ కామెంట్లు చేస్తున్నారు. విజయ్ సేతుపతి నటించిన పాత్రలను రీమేక్ చేయకపోవడానికి ప్రయత్నిస్తే బెటర్ అని కామెంట్లు వ్యక్తమవుతున్నాయి.
“విజయ్ సహజ నటన వర్సెస్ హృతిక్ ఓవర్ యాక్షన్” అంటూ నెటిజన్లు చేస్తున్న ట్రోల్స్ సోషల్ మీడియాలో తెగ వైరల్ అవుతున్నాయి. వైరల్ అవుతున్న ట్రోల్స్, మీమ్స్ గురించి హృతిక్ రోషన్ అభిమానులు ఏ విధంగా స్పందిస్తారో చూడాల్సి ఉంది. విజయ్ సేతుపతికి నటుడిగా అన్ని భాషల్లో మంచి గుర్తింపు ఉందనే సంగతి తెలిసిందే.
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home