Kajal Aggarwal: కాజల్ పై నెటిజన్ల ట్రోల్స్.. ఏమైందంటే?

టాలీవుడ్ స్టార్ హీరోయిన్ కాజల్ అగర్వాల్ కు పెళ్లై పిల్లలు ఉన్నా క్రేజ్ ఏ మాత్రం తగ్గడం లేదనే సంగతి తెలిసిందే. సోషల్ మీడియాలో కాజల్ అగర్వాల్ కు రికార్డు స్థాయిలో ఫాలోవర్లు ఉన్నారు. కాజల్ గత నెలలో మగబిడ్డకు జన్మనివ్వగా ఆ మగబిడ్డ పేరు నీల్ కిచ్లూ అనే సంగతి తెలిసిందే. తాజాగా మదర్స్ డే సందర్భంగా కాజల్ తన కొడుకు ఫోటోలను సోషల్ మీడియాలో షేర్ చేయగా ఆ ఫోటోలు నెట్టింట వైరల్ అయ్యాయి.

అయితే కాజల్ సోషల్ మీడియాలో తన కొడుకు ఫోటోలతో పాటు ఒక కవితను కూడా పంచుకున్నారు. అయితే కాజల్ మొదట ఎవరికీ క్రెడిట్స్ ఇవ్వకుండా ఆ కవితను షేర్ చేయడంతో కాజల్ ఆ కవితను సొంతంగా రాశారని అభిమానులు భావించారు. ఆ తర్వాత నెటిజన్లు ఈ కవిత కాజల్ రాసిన కవిత కాదని గుర్తించి కామెంట్ల రూపంలో తెగ ట్రోల్ చేశారు. వైరల్ అయిన నెగిటివ్ కామెంట్లు కాజల్ దృష్టికి వచ్చాయి.

ఆ తర్వాత వెంటనే తప్పును సరిదిద్దుకున్న కాజల్ అగర్వాల్ ఒరిజినల్ రైటర్ కు క్రెడిట్స్ ఇవ్వడంతో పాటు కామెంట్లను డిసేబుల్ చేశారు. కాజల్ అగర్వాల్ ముందే ఈ నిర్ణయం తీసుకుని ఉంటే విమర్శలు వచ్చేవి కావని ఆమె ఫ్యాన్స్ చెబుతున్నారు. విమర్శలు వ్యక్తం కాకుండా కాజల్ అగర్వాల్ జాగ్రత్తలు తీసుకోవాలని ఫ్యాన్స్ కోరుకుంటున్నారు. మరోవైపు కాజల్ సినిమాలకు దూరమవుతారని ప్రచారం జరుగుతోంది.

కాజల్ మళ్లీ సినిమాలలో నటించే అవకాశం దాదాపుగా లేదని తెలుస్తోంది. అయితే ఈ ప్రచారంలో నిజానిజాలు తెలియాల్సి ఉంది. కాజల్ మాత్రం ఇప్పటివరకు సినిమాలకు సంబంధించి ఎలాంటి ప్రకటన చేయలేదు. కాజల్ తాత్కాలికంగా బ్రేక్ తీసుకున్నా మళ్లీ సినిమాల్లోకి వస్తారని ఫ్యాన్స్ భావిస్తున్నారు. కాజల్ ఆచార్య సినిమాకు కోటిన్నర రూపాయలు రెమ్యునరేషన్ గా తీసుకున్నారని తెలుస్తోంది.

దొంగాట సినిమా రివ్యూ & రేటింగ్!

Most Recommended Video

అశోకవనంలో అర్జున కళ్యాణం సినిమా రివ్యూ & రేటింగ్!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు!
ఈ 10 మంది దర్శకులు… గుర్తుండిపోయే సినిమాలు!