విజయ్ దేవరకొండ కొత్త హీరోయిన్ ఇదిగో..!

మన తెలుగు చిత్రసీమలో తెలుగమ్మాయిలు తక్కువవుతున్న తరుణంలో మరో తెలుగందం వెండితెరకు పరిచయంకానుంది. అమ్మడి పేరు ప్రియాంక జవాల్కర్. బేసిగ్గా మహారాష్ట్రియన్ అయిన ఈ చిన్నది షార్ట్ ఫిలిమ్స్ తో యూత్ కి దగ్గరైన ప్రియాంక త్వరలోనే వెండితెర తెరంగేట్రం చేయనుంది. విజయ్ దేవరకొండ హీరోగా రాహుల్ అనే యువ ప్రతిభాశాలి దర్శకత్వంలో తెరకెక్కుతున్న ఇంకా టైటిల్ నిర్ణయించని ఈ చిత్రాన్ని గీతా ఆర్ట్స్ 2 సంస్థ నిర్మిస్తోంది.

విజయ్ దేవరకొండ ప్రస్తుతం పరశురామ్ దర్శకత్వంలో ఒక సినిమా చేస్తుండగా.. మరో సినిమా నవంబర్ లో సెట్స్ కు వెళ్లనుంది. ఈ రెండూ కాకుండా క్రాంతిమాధవ్ దర్శకత్వంలో కె.ఎస్.రామారావు నిర్మించనున్న చిత్రం ఫిబ్రవరిలో ప్రారంభంకానుంది. ఇకపోతే.. “అర్జున్ రెడ్డి”తో అమెజింగ్ హిట్ అందుకొన్న విజయ్ కు జోడీగా పరిచయమవ్వనుండడం ప్రియాంక జవాల్కర్ కు పెద్ద ప్లస్ పాయింట్ కానుంది. మరి అమ్మడు తన కెరీర్ ను ఎలా ప్లాన్ చేసుకొంటుంది అనే విషయం ఆమె చేతిలోనే ఉన్నా.. ప్రస్తుతానికైతే గోల్డెన్ చాన్సే దక్కించుకొంది ప్రియాంక.