జబర్దస్త్ గుడ్ బై చెప్పిన అనసూయ.. ఆమె స్థానంలో కొత్త యాంకర్ తనేనా?

గత పది సంవత్సరాల నుంచి ఎంతో అద్భుతమైన రేటింగ్ సంపాదించుకొని దూసుకుపోతున్న బుల్లితెర కార్యక్రమాలలో ఒకటిగా పేరు సంపాదించుకున్న జబర్దస్త్ కార్యక్రమానికి ప్రస్తుతం గడ్డుకాలం ఏర్పడినట్టు తెలుస్తుంది. ఈ కార్యక్రమం ఎంతో బాగా గుర్తింపు సంపాదించుకుంటున్న సమయంలో ఈ కార్యక్రమం నుంచి ఒక్కొక్కరిగా వెళ్లిపోవడంతో ఈ కార్యక్రమానికి రేటింగ్స్ పూర్తిగా తగ్గిపోయాయి. ఇప్పటికే నాగబాబు అండ్ టీం వెళ్లిపోగా అనంతరం రోజా వెళ్ళిపోయారు. రోజాతో పాటు హైపర్ ఆది సుడిగాలి సుదీర్ వంటి కమెడియన్స్ కూడా వెళ్లిపోయారు.

ఇకపోతే జబర్దస్త్ కార్యక్రమానికి స్పెషల్ అట్రాక్షన్ గా నిలిచిన యాంకర్ అనసూయ సైతం గత చివరి ఎపిసోడ్ తనకు లాస్ట్ ఎపిసోడ్ అని చెప్పేశారు.ఈ విధంగా గత గురువారం ప్రసారమైన జబర్దస్త్ కార్యక్రమం అనసూయకు చివరి కార్యక్రమం కావడంతో జబర్దస్త్ కమెడియన్స్ అందరూ కూడా తనకు కన్నీటి వీడ్కోలు తెలిపారు. ఇక అనసూయ ఈ కార్యక్రమానికి శాశ్వతంగా గుడ్ బై చెప్పబోతుందని తెలియడంతో ఇంద్రజ మిగిలిన జబర్దస్త్ కంటెస్టెంట్ లందరూ ఎమోషనల్ అవుతూ ఈ కార్యక్రమం కోసం మూడు రోజుల సమయం కేటాయించలేవా అంటూ ఆమెను బ్రతిమిలాడినంత పని చేశారు.

అయితే ఇలా అందరూ కన్నీటితో అనసూయకు వీడ్కోలు చెబుతుంటే అనసూయ మాత్రం ఏ మాత్రం బాధపడకుండా ఈ కార్యక్రమం నుంచి బయటకు వెళ్లిపోయినట్టు తెలుస్తుంది. అనసూయకు సినిమాలు వెబ్ సిరీస్ లతో బిజీగా ఉండటం వల్ల తాను ఈ కార్యక్రమాన్ని వదులుకోవాల్సి వచ్చిందని తెలుస్తోంది.ఇక అనసూయ ఈ కార్యక్రమానికి గుడ్ బై చెప్పడంతో తన స్థానంలో యాంకర్ గా ఎవరు రానున్నారనే విషయం గురించి అందరిలో ఆత్రుత నెలకొంది. ఈ క్రమంలోనే వచ్చేవారం ప్రసారం కాబోయే కార్యక్రమానికి సంబంధించిన ప్రోమోలో భాగంగా అనసూయ స్థానంలోకి కొత్త యాంకర్ వచ్చినట్టు తెలుస్తుంది.

అయితే ఆమెను ఏకంగా పల్లకిపై మోసుకొని రావడం మనం ఇందులో చూడవచ్చు. అయితే ఈ కార్యక్రమానికి అనసూయ స్థానంలో వచ్చే యాంకర్ ఎవరు అనేది మాత్రం సస్పెన్స్ లో పెట్టారు. తన మొహం చూపించకుండా జాగ్రత్త పడ్డారు.అయితే అనసూయ స్థానంలో ఈ కార్యక్రమానికి యాంకర్ మంజూష రానుందని వార్తలు వస్తున్నాయి. మరి ఇది ఎంతవరకు నిజమో తెలియాలంటే మరో నాలుగు రోజులు వేచి ఉండాలి.

రామారావు ఆన్ డ్యూటీ సినిమా రివ్యూ & రేటింగ్!

Most Recommended Video

అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?