Prabhas: ప్రభాస్ ఆ సమస్యను ఎలా అధిగమిస్తారో..?

టాలీవుడ్ స్టార్ హీరోలలో మిగతా హీరోలతో పోలిస్తే ప్రభాస్ కు క్రేజ్ ఎక్కువనే సంగతి తెలిసిందే. పాన్ ఇండియా హీరోగా టాలీవుడ్ ఇండస్ట్రీ నుంచి గుర్తింపును సంపాదించుకున్న ప్రభాస్ కు విచిత్రమైన సమస్య ఎదురవుతోందని తెలుస్తోంది. ప్రభాస్ సినిమాకు హీరోయిన్ కష్టాలు ఎదురవుతున్నాయని ఇండస్ట్రీ వర్గాల్లో వినిపిస్తోంది. ప్రస్తుతం మూడు సినిమాలతో బిజీగా ఉన్న ప్రభాస్ ఈ సినిమాల తరువాత నాగ్ అశ్విన్ డైరెక్షన్ లో ఒక సినిమాలో నటిస్తున్నారనే సంగతి తెలిసిందే.

సైన్స్ ఫిక్షన్ కథాంశంతో తెరకెక్కుతున్న ఈ సినిమా కొరకు నాగ్ అశ్విన్ ఒక కొత్త ప్రపంచాన్నే సృష్టించబోతున్నారని తెలుస్తోంది. 300 కోట్ల రూపాయలకు పైగా అత్యంత భారీ బడ్జెట్ తో తెరకెక్కుతున్న ఈ సినిమాలో అమితాబ్ బచ్చన్ కీలక పాత్రలో నటిస్తుండగా దీపికా పదుకొనే హీరోయిన్ గా నటిస్తున్నారనే సంగతి తెలిసిందే. ఈ సినిమా కొరకు దీపికా పదుకొనే జులై నుంచి డేట్స్ ను కేటాయించారు. అయితే కరోనా సెకండ్ వేవ్ వల్ల షూటింగ్ లు ఆలస్యం కావడంతో జులై నుంచి ప్రభాస్ నాగ్ అశ్విన్ కాంబినేషన్ సినిమా షూటింగ్ ప్రారంభమయ్యే పరిస్థితులు కనిపించడం లేదు.

దీపికా పదుకొనే సర్కస్, పఠాన్, ది ఇంటర్న్ సినిమాలతో బిజీగా ఉండటంతో పాటు మరికొన్ని సినిమాలకు కమిటయ్యారు. దీపికా పదుకొనే ఏ విధంగా ప్రభాస్ సినిమాకు డేట్లను అడ్జస్ట్ చేస్తారో చూడాల్సి ఉంది. వైజయంతీ మూవీస్ బ్యానర్ పై ఈ సినిమా తెరకెక్కుతుండగా విదేశీ భాషల్లో కూడా ఈ సినిమా రిలీజ్ కానుండటం గమనార్హం. హీరోయిన్ డేట్ల సమస్య ఎదురైతే ప్రభాస్ ఆ సినిమాను ఎలా అధిగమిస్తారో చూడాల్సి ఉంది.

Most Recommended Video

10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!