Tollywood: నిర్మాతలు తీసుకున్న నిర్ణయాలివే.. అమల్లోకి ఎప్పుడంటే?

ఇండస్ట్రీలో ఉన్న సమస్యలు పరిష్కారం అవ్వాలి, నిర్మాతలు ఎదుర్కొంటున్న ఇబ్బందుల సంగతి తేల్చాలి అంటూ.. ఇటీవల టాలీవుడ్‌ నిర్మాతలు బంద్‌ చేసిన విషయం తెలిసిందే. ఈ క్రమంలో కొన్ని కీలక నిర్ణయాలు తీసుకున్నారు. వాటికి సంబంధించిన వివరాలను తాజాగా ప్రెస్‌ నోట్‌ రూపంలో విడుదల చేసింది. సినీ కార్మికుల వేతనాల పెంపు, ఓటీటీకి సినిమాలు ఇవ్వడం, టికెట్‌ ధరలు.. ఇలా ఎన్నో అంశాలపై విశ్లేషించి నిర్ణయాలు తీసుకున్నారు.

తెలుగు ఫిల్మ్‌ ఛాంబర్‌ ఆఫ్‌ కామర్స్‌ ఈ మేరకు ప్రకటన విడుదల చేసింది. సెప్టెంబరు 10 నుండి కొత్త మార్గదర్శకాలు అమల్లోకి వస్తాయి.

సినిమా నిర్మాణానికి సంబంధించి నిర్ణయాలు ఇవీ…

* నటులు/ సాంకేతిక నిపుణులకు రోజువారీ వేతనాల చెల్లింపులు ఉండవు.

* పర్సనల్‌ స్టాఫ్‌, లోకల్‌ ట్రాన్స్‌పోర్ట్‌, హోటల్‌ బస, ప్రత్యేక ఆహారం లాంటివన్నీ కలుపుకునే రెమ్యూనరేషన్‌ లెక్కేస్తారు. అంటే అందులోనూ అన్నీ చూసుకోవాలి.

* పాత్రలు, చిత్రాలను బట్టి రెమ్యూనరేషన్‌ను నిర్మాత నిర్ణయిస్తారు.

* ఒప్పందానికి మించి నిర్మాతలు నేరుగా నగదు లాంటివి ఇవ్వకూడదు. కీలక సాంకేతిక నిపుణుల విషయంలోనూ ఇదే నిర్ణయం వర్తిస్తుంది.

* ఆయా సినిమాల చిత్రీకరణ ప్రారంభంలోనే అగ్రిమెంట్‌ చేసుకోవాలి. వాటికి తప్పనిసరిగా ఛాంబర్‌ ఖరారు చేయాలి.

* స్క్రిప్టు అప్‌డేట్స్‌, కాల్‌ షీట్లు లాంటి కీకల వివరాలను రోజూ నోట్‌ చేయాలి.

ఓటీటీ విషయంలో కొత్త మార్గదర్శకాలు ఇవీ…

* ఓ సినిమా థియేటర్లలో విడుదలైన ఎనిమిది వారాల తర్వాతే ఓటీటీలో విడుదల చేయాలి.

* ఓటీటీ, శాటిలైట్‌ హక్కులు ఏ సంస్థలు దక్కించుకున్నాయి అనే వివరాలను టైటిల్‌ కార్డ్స్‌లో, ప్రచారంలో ప్రకటించకూడదు

సినిమా పంపిణీ, ప్రదర్శన విషయంలో ఇలా..

* వర్చువల్‌ ప్రింట్‌ ఫీజు (వీపీఎఫ్‌) అంశంపై ఇంకా చర్చలు సాగుతున్నాయట. ఆరో తేదీన మరోసారి భేటీ అయ్యి నిర్ణయం తీసుకుంటారని సమాచారం.

* తెలంగాణలో తరహాలోనే ఆంధ్రప్రదేశ్‌లోని మల్టీప్లెక్స్‌లకు కూడా వీపీఎఫ్‌ పర్సెంటేజీ అందుతుందట.

ఫెడరేషన్‌ విభాగానికి సంబంధించి..

* ఫెడరేషన్‌ గురించి ఇంకా చర్చలు తుది దశలో ఉన్నాయట. దీనిపై ఓ నిర్ణయానికి వచ్చాక… రేట్‌ కార్డుల వివరాలను త్వరలో అన్ని నిర్మాణ సంస్థలకు అందిస్తారు.

లైగర్ సినిమా రివ్యూ & రేటింగ్!

Most Recommended Video

‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!