మహేష్ హీరోగా భారీ బడ్జెట్ తో సర్కారు వారి పాట సినిమా తెరకెక్కుతున్న సంగతి తెలిసిందే. ఇప్పటికే దుబాయ్ షెడ్యూల్ ను పూర్తి చేసుకున్న ఈ సినిమా 2022 సంక్రాంతి పండుగకు రిలీజ్ కావాల్సి ఉండగా ఆ సమయానికి ఈ సినిమా రిలీజవుతుందో లేదో కచ్చితంగా చెప్పలేని పరిస్థితి నెలకొంది. అయితే ఈ సినిమాలో విలక్షణ నటుడు అర్జున్ నటిస్తున్నారని గత కొన్నిరోజులుగా వార్తలు వస్తున్న సంగతి తెలిసిందే. ప్రతిభ ఉన్న నటుడైన అర్జున్ సర్కారు వారి పాట సినిమాలో నటిస్తే సినిమా బిజినెస్ కు ప్లస్ అయినా అర్జున్ విలన్ గా,
క్యారెక్టర్ ఆర్టిస్ట్ గా నటించిన సినిమాలలో ఎక్కువ సినిమాలు బాక్సాఫీస్ దగ్గర ఫ్లాప్ అయ్యాయి. అర్జున్ కీలక పాత్రలో నటించిన నా పేరు సూర్య నా ఇల్లు ఇండియా సినిమా ఫ్లాప్ అయిన సంగతి తెలిసిందే. అర్జున్ ముఖ్య పాత్రల్లో నటించిన శ్రీ ఆంజనేయం, స్వాగతం, రామరామ కృష్ణకృష్ణ, లై సినిమాలు కూడా ఫ్లాప్ అయ్యాయి. అయితే పరశురామ్ టాలెంటెడ్ డైరెక్టర్ కావడంతో సర్కారు వారి పాట సినిమాతో అర్జున్ నెగిటివ్ సెంటిమెంట్ ను బ్రేక్ చేస్తారేమో చూడాల్సి ఉంది.
మహేష్ కు జోడీగా ఈ సినిమాలో కీర్తి సురేష్ నటిస్తున్నారు. ఈ మధ్య కాలంలో కీర్తి సురేష్ నటించిన సినిమాలు సైతం ప్రేక్షకులను ఆకట్టుకోలేదు. సర్కారు వారి పాట హిట్టైతే మాత్రమే కీర్తి సురేష్, అర్జున్ లకు తెలుగులో మరిన్ని ఆఫర్లు వచ్చే అవకాశం ఉంది. స్టార్ మ్యూజిక్ డైరెక్టర్ థమన్ ఈ సినిమాకు సంగీతం అందిస్తుండటం గమనార్హం.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
