స్టార్ హీరో ప్రభాస్ ప్రశాంత్ నీల్ దర్శకత్వంలో దాదాపు 200 కోట్ల రూపాయల బడ్జెట్ తో తెరకెక్కుతున్న సలార్ సినిమాలో నటిస్తున్నారు. అయితే గత మూడు రోజుల నుంచి ప్రభాస్ ఈ సినిమాలో డ్యూయల్ రోల్ లో తండ్రీకొడుకులుగా నటిస్తున్నారని ప్రచారం జరుగుతోంది. ప్రభాస్ డ్యూయల్ రోల్ లో నటిస్తున్నాడనే వార్తతో ఫ్యాన్స్ ఆనందంగానే ఉన్నా ఆంధ్రావాలా మూవీ సెంటిమెంట్ ఫ్యాన్స్ ను భయపడుతోంది. పూరీ జగన్నాథ్ డైరెక్షన్ లో జూనియర్ ఎన్టీఆర్ హీరోగా నటించిన ఆంధ్రావాలా సినిమాలో జూనియర్ ఎన్టీఆర్ తండ్రీకొడుకు పాత్రల్లో నటించారు.
సినిమా కథ, కథనం బాగానే ఉన్నా తండ్రి పాత్ర జూనియర్ ఎన్టీఆర్ కు సూట్ కాకపోవడంతో ఆ సినిమా డిజాస్టర్ గా నిలిచింది. అదే సినిమాను మెహర్ రమేష్ కన్నడలో రీమేక్ చేసి హిట్ సాధించారు. సలార్ సినిమాలో ప్రభాస్ కూడా తండ్రీకొడుకు పాత్రల్లో నటిస్తున్నారని తెలుస్తోంది. ప్రభాస్ తండ్రి పాత్రకు సూట్ అవుతారా..? ఒకవేళ సూట్ అయినా ఫ్యాన్స్ ప్రభాస్ ను అలాంటి పాత్రలో ఫ్యాన్స్ యాక్సెప్ట్ చేస్తారా..? అనే సందేహాలు వ్యక్తమవుతున్నాయి.
సలార్ సినిమా రిలీజ్ కు దాదాపు ఏడాది సమయం ఉండగా ప్రభాస్ ఒకే సమయంలో రాధేశ్యామ్ సినిమాతో పాటు సలార్, ఆదిపురుష్ సినిమాల షూటింగ్ లలో పాల్గొననున్నారు. పూర్తిస్థాయి యాక్షన్ ఎంటర్టైనర్ గా ఈ సినిమా తెరకెక్కుతుండటం గమనార్హం. కరోనా సెకండ్ వేవ్ వల్ల ఈ సినిమా షూటింగ్ కు బ్రేక్ పడగా కరోనా వ్యాప్తి తగ్గిన తర్వాత ఈ సినిమా షూటింగ్ మొదలయ్యే అవకాశాలు ఉన్నాయి.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
