హిట్ కొట్టాలంటే ముద్ద దిగాల్సిందే..!

నేచరల్ స్టార్ నాని నటిస్తున్న టక్ జగదీష్ ఫస్ట్ లుక్ పోస్టర్ ని క్రిస్మస్ కి కానుకగా రిలీజ్ చేసింది చిత్రయూనిట్. ఇందులో నాని చాలా ఫార్మల్ గా కనిపిస్తూనే వెనక కత్తిపట్టుకుని ఎవరినో వేసేయడానికి రెడీగా ఉన్నాడు. అంతేకాదు, వడ్డించిన విస్తరి ముందు భోజనం చేయడానికి కూర్చుని ఉన్నాడు. ఇప్పుడు ఈపోస్టర్ సోషల్ మీడియాలో వైరల్ అవుతోంది. ఇక చాలామంది ఈ పోస్టర్ ని చూసి భోజనం ముందు కూర్చునే ట్రెండ్ వచ్చిందంటూ కామెంట్ చేస్తున్నారు.

రీసంట్ గా మనం కొన్ని పోస్టర్స్ ని అబ్జర్వ్ చేసినట్లయితే, వడ్డించిన భోజనం ముందు కూర్చునో, లేదా అన్నం తిన్న తర్వాతో వైలన్స్ కి రెడీ అంటూ రెచ్చిపోతున్నారు. ఈ ట్రెండ్ కార్తీ నటించిన ఖైదీ సినిమా నుంచి తమిళ పోస్టర్స్ లో ఎక్కడో అక్కడ కనిపిస్తూనే ఉంది. లోకేష్ కనకరాజ్ మార్క్ గా ఇది ఇప్పటికే ఆడియన్స్ కి బాగా రీచ్ అయ్యింది. రీసంట్ గా కమల్ హాసన్ యాక్ట్ చేసిన ట్రైలర్ లో కూడా గెస్ట్ లకి భోజనం వడ్డిస్తూ, విలన్స్ ని వేటాడేందుకు వెపన్స్ ని రెడీ చేస్తుంటాడు కమల్ హాసన్.

డైనింగ్ టేబుల్ దగ్గర అందరూ కూర్చుని భోజనం చేస్తూ ఉన్న ఈ టీజర్ యూట్యూబ్ ని షేక్ చేసింది. అంతేకాదు, రీసంట్ గా వచ్చిన నయనతార అమ్మోరు తల్లి సినిమాలో కూడా నయనతార విస్తరి ముందు కూర్చుని భోజనం చేస్తూ ఉన్న స్టిల్ ని రిలీజ్ చేశారు కూడా. ఆ సినిమా కూడా ఓటీటీలో రిలీజై పర్వాలేదనిపించింది. ఇప్పుడు ఈ తరహా పోస్టర్ ని తెలుగులో కూడా దింపారని, ఇక ముందు ఇదే ట్రెండ్ అవుతుందని నెటిజన్స్ కామెంట్స్ చేస్తున్నారు. ఇప్పుడు ఈ పోస్టర్స్ ని పోలూస్తూ తెగ షేర్లు చేస్తున్నారు. అంతేకాదు, హిట్ కొట్టాలంటే ముద్ద దిగాల్సిందేనా బాబులూ అంటూ కామెంట్స్ కూడా చేస్తున్నారు.