రానా- మిహికాల వివాహంలో కొనసాగుతున్న సందిగ్దత

టాలీవుడ్ ముదురు బ్యాచ్ లర్స్ లో ఒకరైన రానా ఈ ఏడాది సడన్ గా తన ప్రేయసిని ప్రకటించారు. మిహికా బజాజ్ అనే అమ్మాయిని తాను ప్రేమిస్తున్నట్లు, తన ప్రేమను ఆమె ఒప్పుకున్నట్లు సోషల్ మీడియా ద్వారా తెలియజేశాడు. ఆ వెంటనే రోకా వేడుక, నిశ్చితార్ధం, పెళ్లి ముహూర్తం ఇలా చక చకా జరిగిపోయాయి. ఆగస్టు 8న రానా-మిహికా బజాజ్ వివాహం జరగనుంది. ఇప్పటికే పెళ్లి పత్రికల ప్రింటింగ్, పెళ్లి వేదిక, విందులు, వినోదాలకు సంబంధించిన అన్ని కార్యక్రమాల షెడ్యూల్స్ అనేవి నిర్ణయించడం జరిగింది.

ఐతే పెళ్లి వేదిక విషయంలో చిన్న సందిగ్ధం కొనసాగుతున్నట్లుగా ఓ వార్త హల్ చల్ చేస్తుంది. నిజానికి రానా వివాహం ఫలక్ నుమా ప్యాలస్ లో జరగాలని నిర్ణయించారట. ఐతే రానా తండ్రిగారైన సురేష్ బాబు తమ నివాసంలోనే రానా పెళ్లి వేడుక నిర్వహించాలని అనుకుంటున్నారట. మరి సురేష్ బాబు ఈ నిర్ణయం వెనుక కారణం ఏమిటి అనేది ఇంకా తెలియాల్సివుంది. పెళ్ళికి ఇంకా కేవలం రెండు వారాల సమయం మాత్రమే ఉంది. రానా పెళ్లి వేదికపై ఇంకొన్ని రోజుల్లో స్పష్టత వచ్చే అవకాశం కలదు.

ఇక ఈ వివాహానికి కేవలం కొద్దిమంది సన్నిహితులు మాత్రమే పాల్గొననున్నారు. కరోనా వైరస్ వ్యాప్తి నేపథ్యంలో పరిమిత సంఖ్యలో మాత్రమే పాల్గొనడానికి అవకాశం ఉంది. టాలీవుడ్ నుండి కొందరు ప్రముఖులు హాజరయ్యే అవకాశం కలదు. ఈ ఏడాదిలో టాలీవుడ్ లో బ్యాచ్ లర్ లైఫ్ కి టాటా చెప్పిన హీరోలలో రానా మూడవవాడు. నిన్న నితిన్ వివాహం చేసుకోగా, హీరో నిఖిల్ మే నెలలో వివాహం చేసుకోవడం జరిగింది.

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

Most Recommended Video

పవర్ స్టార్ సినిమా రివ్యూ & రేటింగ్!
ఎస్.ఎస్.రాజమౌళి సినిమాల IMDB రేటింగ్స్!
తెలుగు సినిమాల్లో నటించిన 27 బాలీవుడ్ హీరోయిన్లు ఎవరో తెలుసా?