క్లాసిక్ డైరెక్టర్ శేఖర్ కమ్ముల తదుపరి చిత్రం రాణాతో అంటూ రెండ్రోజులుగా బోలెడన్ని వెబ్ సైట్స్ లో చిత్రవిచిత్రమైన కథనాలు వచ్చిన విషయం తెలిసిందే. అయితే.. ఈ విషయమై శేఖర్ కమ్ముల కాస్త లేట్ గా స్పందించారు. “లీడర్” సినిమాకి సీక్వెల్ గా “లీడర్ 2” తీద్దామనుకొన్న విషయం నిజమే కానీ.. ఇప్పుడప్పుడే ఆ ప్రొజెక్ట్ సెట్స్ మీదకు వచ్చే అవకాశం లేదని తేల్చి చెప్పేశారు. ప్రస్తుతం తాను రెండు కథలు రాసుకొన్నాని ఇద్దరు స్టార్ హీరోలకు చెప్పగా.. ఎవరి డేట్స్ దొరుకుతాయో తెలియని కన్ఫ్యూజన్ లో ఉన్నానని కూడా ఆయన పేర్కొన్నారు.
ఇకపోతే.. “హ్యాపీ డేస్” చిత్రాన్ని హిందీలో రీమేక్ చేసేందుకు కూడా బాలీవుడ్ నిర్మాతలు రెడీగా ఉన్నారని. ఒకవేళ తాను ట్రై చేస్తున్న స్టార్ హీరోల డేట్స్ దొరకడానికి టైమ్ పడితే.. ఈలోపు హిందీలో “హ్యాపీ డేస్” తీస్తానని కూడా చెప్పారు శేఖర్ కమ్ముల. మరి శేఖర్ కమ్ముల వెయిట్ చేస్తున్న ఆ స్టార్ హీరోలు ఎవరో తెలియదు కానీ.. ఆయనగనుక కుదిరినంత తొందరగా “హ్యాపీడేస్”ను హిందీలో రీమేక్ చేస్తే చూడ్డానికి తెలుగు ప్రేక్షకులు కూడా రెడీగా ఉన్నారు.
Home