పవన్ కళ్యాణ్ (Pawan Kalyan) రాజకీయాల్లో బిజీగా గడుపుతున్నారు. పలు కీలక మంత్రిత్వ శాఖల్లో పనిచేస్తూ క్షణం తీరిక లేకుండా గడుపుతున్న సంగతి తెలిసిందే. ఆయన కంప్లీట్ చేయాల్సిన సినిమాలు ఉన్నాయి. కానీ షూటింగ్ కి హాజరయ్యే టైం లేదు. ‘ఓజీ’ (OG Movie) , హరిహర వీరమల్లు (Hari Hara Veera Mallu), ఉస్తాద్ భగత్ సింగ్ (Ustaad Bhagat Singh) వంటి సినిమాలు పవన్ కంప్లీట్ చేయాల్సి ఉంది. ఇక అవి కంప్లీట్ చేశాక.. పవన్ సినిమాలకి మరింత దూరమయ్యే అవకాశం ఉంది. 2029 ఎన్నికల రిజల్ట్ ను బట్టి..
పవన్ తిరిగి సినిమాల్లో నటిస్తారా? లేదా? అనే విషయం పై ఓ క్లారిటీ వస్తుంది. దీంతో పవన్ కళ్యాణ్ ఫ్యాన్స్ ఆకలి తీరాలంటే.. ఆయన తనయుడు అకీరా నందన్ ఎంట్రీ ఉండాలని వాళ్ళు భావిస్తున్నారు. అకీరాకి మ్యూజిక్ పై బాగా ఇంట్రెస్ట్ ఉందని గతంలో అడివి శేష్ (Adivi Sesh) వంటి హీరోలు చెప్పారు. ఇదిలా ఉండగా.. నిన్న ‘కమిటీ కుర్రోళ్ళు’ (Committee Kurrollu) సినిమా ఓటీటీ రిలీజ్ డేట్ గురించి ఓ ప్రెస్ మీట్ జరిగింది. ఇందులో భాగంగా… నిహారికకి (Niharika Konidela) ఓ ప్రశ్న ఎదురైంది.
‘పింక్ ఎలిఫెంట్ పిక్చర్స్’ లో మీ తమ్ముడు అకీరాని హీరోగా లాంచ్ చేసే ఛాన్స్ వస్తే.. దానిని స్వీకరిస్తారా? అని ఓ రిపోర్టర్ నిహారికని (Niharika Konidela) ప్రశ్నించాడు. ఇందుకు నిహారిక.. ‘అకీరాకి నటనపై ఆసక్తి ఉన్నట్టు ఎప్పుడూ చెప్పలేదు. ఒకవేళ అతనికి నటనపై ఇంట్రెస్ట్ ఉంది అంటే..అంతకంటే కావాల్సింది ఏముంది’ అన్నట్టు సమాధానం ఇచ్చింది. అకీరా అయితే వరుసగా పలు సినిమా థియేటర్లలో కనిపిస్తూ హాట్ టాపిక్ అవుతున్నాడు. మరి ఇది ఎంతవరకు వెళ్తుందో చూడాలి.
