మెగా డాటర్ ని కాబట్టే ఎవరూ ప్రపోజ్ చేయలేదు

మెగా ఫ్యామిలీ నుంచి వచ్చిన అమ్మాయిగా నేను అనుభవించిన ఆనందం, సుఖం కంటే ఇబ్బందులే ఎక్కువ అంటోంది కొణిదెల నిహారిక. నటిగా, యాంకర్ గా తన సత్తా చాటుకొని ప్రస్తుతం తెలుగులో ఒక సినిమా, తమిళంలో ఒక సినిమా చేస్తున్న నీహారిక ఇటీవల ఓ మీడియా హౌస్ కి ఇచ్చిన ఇంటర్వ్యూలో తన మనసులోని మాటలను బయటపెట్టింది. చిన్నప్పట్నుంచి విపరీతమైన సినిమాలు చూసి ఉండడం వలన అమ్మడికి ఇంటర్ టైమ్ నుంచే ప్రేమ పట్ల విపరీతమైన ఆసక్తి ఉండేదట. అయితే..

తాను మెగా ఫ్యామిలీ నుంచి వచ్చిన అమ్మాయి కావడం, పెదనాన్న చిరంజీవి, బాబాయ్ పవన్ కళ్యాణ్ కావడంతో తనను ఇష్టపడినా కూడా వారికి భయపడి ఎవరూ తనకు ప్రపోజ్ చేసేవారు కాదని చెప్పుకొచ్చింది నీహారిక. అలాగే.. శౌర్యతో తాను ప్రేమలో ఉన్నట్లు వస్తున్న వదంతుల గురించి మాట్లాడుతూ.. “బేసిగ్గా ఇండస్ట్రీలోకి వస్తున్నప్పుడే ఇవన్నీ కామన్ అని తెలుసు. అందుకే ఎప్పుడూ ఇవన్నీ పట్టించుకోలేదు. ఇక మా ఫ్యామిలీ మెంబర్స్ అందరికీ నా మీద విపరీతమైన భరోసా ఉంది. సో, ఆ గాలివార్తలను అలాగే వదిలేశాను తప్పితే కనీసం రెస్పాండ్ కూడా అవ్వలేదు, అవ్వను కూడా” అని చెప్పుకొచ్చింది.