పెళ్లి చీరలో నీహారిక ఫోటోలు వైరల్!

December 7, 2020 / 09:58 AM IST

Join Us

మెగాబ్రదర్ నాగబాబు ఇంట్లో పెళ్లి సందడి మొదలైంది. ఆయన కూతురు నీహారిక వివాహం ఈ నెల 9న జరగనున్న సంగతి తెలిసిందే. రీసెంట్ గా నీహారికను పెళ్లి కూతురుని చేశారు. ఈ శుభకార్యాన్ని హైదరాబాద్ లో తమ ఇంట్లో వైభవంగా జరిపించారు. ఈ కార్యక్రమంలో మెగా ఫ్యామిలీ, స్నేహితులు, బంధువులు పాల్గొన్నారు. నీహారికకు పసుపు రాసి.. మంగళస్నానం చేయించారు. ఈ వేడుకకు సంబంధించిన ఫోటోలు ప్రస్తుతం సోషల్ మీడియాలో వైరల్ అవుతున్నాయి.

ఇదిలా ఉండగా.. నీహారికను ఆదివారం కూడా పెళ్లి కుమార్తెగా రెడీ చేశారు. ఆ అలంకరణలో ఓ ప్రత్యేకత ఉంది. నీహారిక తన తల్లి పద్మజ చీర కట్టుకొని ముస్తాబైంది. ఈ చీర ఇప్పటిది కాదట. 32 ఏళ్ల క్రితం నీహారిక తల్లి పద్మజ నిశ్చితార్ధం చీర అట. ఈ విషయాన్ని నీహారిక స్వయంగా వెల్లడించింది. ఈ మేరకు ఇన్స్టాగ్రామ్ లో ఒక పోస్ట్ చేసింది. 32 ఏళ్ల క్రితం నిశ్చితార్ధం రోజున తన తల్లి ఈ చీరలో ఉన్న ఫోటోని, తన ప్రస్తుత ఫోటోని పక్కపక్కన పెట్టి షేర్ చేసింది. ఈ ఫోటో చూసిన అభిమానులు నీహారికకు శుభాకాంక్షలు చెబుతూ కామెంట్లు పెడుతున్నారు.

ఇక ఆమె తండ్రి నాగబాబు కూడా ఈ ఫోటోపై స్పందించారు. ‘మా ఆవిడ అందంగా ఉంది. కానీ నా కూతురు మాత్రం యువరాణిలా ఉంది’ అంటూ ఆయన కామెంట్ పెట్టారు. ఇదిలా ఉండగా.. గుంటూరు రేంజ్ ఐజీ జొన్నలగడ్డ ప్రభాకర్‌ రావు కుమారుడు వెంకట చైతన్యను నిహారిక పెళ్లిచేసుకోబోతున్న సంగతి తెలిసిందే. డిసెంబరు 9న రాత్రి 7 గంటల 15 నిమిషాలకు నీహారికకు పెళ్లి కానుంది. రాజస్థాన్‌లోని ఉదయ్ పూర్‌లో ఉన్న ఉదయ్ విలాస్‌‌లో వివాహ వేడుక జరగనుంది.