రంగం ఏదైనా పోటీ ఉంటేనే మజా. అప్పుడే వారిలోని అసలైన ప్రతిభ బయటికి వస్తుంది. తమను తాము నిరూపించుకోవడానికి శక్తినంతా దారపోస్తారు. సినీ రంగంలోనూ అంతే. గెలుపు ఎవరనేది పక్కన పెడితే ఈ పోటీ వల్ల నాణ్యత కలిగిన అవుట్ ఫుట్ బయటికి వస్తుంది. ఇద్దరు నటీమణులు వేరే వేరే సినిమాల ద్వారా పోటీ పడితే అంత కిక్ ఉండదు కానీ.. ఒకే సినిమాలో ఒకే ఫ్రేమ్ లో తలపెడితే వినోదం డబల్ అవుతుంది. అలా నటనలో నిహారిక, శ్రియ యుద్ధానికి దిగబోతున్నారు. ఇందులో నిహారికకి అనుభవం కొంతే.. శ్రియకి అనుభవం కొండంత. వీరిద్దరి ఢీకొంటే ఎలా ఉంటుందో త్వరలోనే వెండితెరపై చూడబోతున్నాం.
కొత్త లేడీ డైరక్టర్ సుజనా దర్శకత్వంలో శ్రియాతో కలిసి నిహారిక స్క్రీన్ చేసుకోనుంది. మళ్లీ మళ్లీ ఇది రాని రోజు, కంచె, గౌతమిపుత్ర శాతకర్ణి చిత్రాల సినిమాటోగ్రాఫర్ వి.ఎస్.జ్ఞాన శేఖర్ ఈ చిత్రానికి పనిచేస్తున్నారు. ఇళయరాజా సంగీతం అందిస్తున్నారు. ఈ సినిమాలో శ్రియ పాత్ర ఏంటి?, నిహారిక పాత్ర ఏంటి? అన్నది తొందర్లోనే అధికారిక ప్రకటన చేయనున్నారు. శ్రియ, నిహారిక లుక్ ని ఒకేసారి లాంచ్ చేయనున్నారని తెలిసింది. నిహారిక గతంలో చేసిన ఒక మనసు, “హ్యాపీ వెడ్డింగ్” సినిమాలు ఆర్ధికంగా విజయం సాధించలేకపోయాయి. ఈసారైనా హిట్ కొట్టాలని నిహారిక కసితో ఈ సినిమా చేస్తోంది.
