Nilave: ‘నిలవే’ నేటి జనరేషన్ ‘గీతాంజలి’ : జెమిని సురేష్​

సౌమిత్ పోలాడి ప్రధాన పాత్రలో తెరకెక్కిన లవ్ అండ్ ఎమోషనల్ డ్రామా ‘నిలవే'(Nilave). శ్రేయాసి సేన్ హీరోయిన్ గా నటించిన ఈ సినిమాలో హర్ష చెముడు, సుప్రియా ఐసోలా మరో జంటగా నటించారు. POV ఆర్ట్స్ ప్రొడక్షన్స్ బ్యానర్‌పై రాజ్ అల్లాడ, గిరిధర్ రావు పోలాడి, సాయి కే వెన్నం కలిసి నిర్మించిన ఈ చిత్రాన్ని సాయి కే వెన్నం దర్శకత్వం వహించారు. వాలెంటైన్స్ డే సందర్భంగా ఫిబ్రవరి 13న విడుదలైంది ఈ సినిమా.

Nilave

ఈరోజు రామానాయుడు స్టూడియోస్లో ప్రెస్ మీట్ నిర్వహించారు.ఆస్కార్ అవార్డు గ్రహీత, గీత రచయిత చంద్రబోస్ ఓ వీడియో బైట్ ద్వారా చిత్ర బృందానికి అభినందనలు తెలిపారు.

అనంతరం ముఖ్య అతిధిగా విచ్చేసిన సీనియర్ దర్శకులు వి సముద్ర మాట్లాడుతూ.. ‘‘ఈ వాలెంటైన్స్ డేకి విడుదలైన ఆరేడు చిత్రాల్లో ‘నిలవే’ ఒకటి. ఈ సినిమాలో హీరో హీరోయిన్ గా చేసిన ఇద్దరికీ మంచి భవిష్యత్తు ఉంటుంది. డైరెక్టర్ సాయి కె వెన్నం గారితో పాటు టీమ్ అందరికీ నా శుభాభినందనలు తెలియజేస్తున్నా” అంటూ చెప్పుకొచ్చారు.

మరో అతిథి, సీనియర్ నటులు జెమిని సురేష్​ మాట్లాడుతూ..”బాపు గారు గీసిన బొమ్మలా, విశ్వనాథ సత్యనారాయణ గారి కవితలా, నేటి జనరేషన్‌ ‘గీతాంజలి’లా ‘నిలవే’ నిలుస్తుంది. ఇలాంటి మంచి సినిమాని నిర్మించిన రాజ్ అల్లాడ గారికి థ్యాంక్స్. డైరెక్టర్ సాయి విజన్, దిలీప్ విజువల్స్‌, కళ్యాణ్ మ్యూజిక్ బాగా కుదిరాయి.సౌమిత్ కి అభినందనలు” అంటూ చెప్పుకొచ్చారు.

హీరో సౌమిత్ మాట్లాడుతూ ..‘‘కొత్త వాళ్లమైనా మమ్మల్ని సపోర్ట్ చేసిన అందరికీ థ్యాంక్స్. 3 కష్టమే ఈ సినిమా. రాజమౌళి గారు కూడా ‘బాహుబలి’ని ఆడియెన్స్ ముందుకు తీసుకురావడానికి 3 ఏళ్ళు పట్టింది. మా ‘నిలవే’ మాకు ‘బాహుబలి’ లాంటిది. ఈ జర్నీలో మాకెన్ని ఇబ్బందులొచ్చినా ఎక్కడా కాంప్రమైజ్ కాకుండా ముందుకెళ్లాం. ఇప్పుడు ఆడియెన్స్ నుంచి వస్తోన్న రెస్పాన్స్ చాలా సంతోషాన్ని ఇస్తుంది. జెన్యూన్‌ హిట్‌గా మా చిత్రం నిలిచింది. నాలుగు రోజులుగా ఆడియెన్స్ నుంచి వస్తున్న రెస్పాన్స్, హౌస్‌ఫుల్ బోర్డ్స్‌ చూసి సక్సెస్ సెలబ్రేషన్స్ చేసుకుంటున్నాం” అంటూ చెప్పుకొచ్చారు.

హీరోయిన్ శ్రేయాసి సేన్ మాట్లాడుతూ..‘‘అధితి పాత్రలో నన్ను నమ్మిన సాయి వెన్నం, సౌమిత్‌కు థ్యాంక్స్. మొదటి చిత్రంతోనే సక్సెస్ ఇచ్చిన తెలుగు ఆడియెన్స్‌కు థ్యాంక్స్” అంటూ తెలిపారు.

దర్శకుడు సాయి కే వెన్నం మాట్లాడుతూ..‘‘మమ్మల్ని బ్లెస్ చేసిన అందరికీ థ్యాంక్స్. మూడేళ్ల క్రితం మొదలైన ఈ జర్నీ ఇక్కడవరకు వచ్చింది. ఈ మూవీ మేకింగ్‌లో చాలా విషయాలు నేర్చుకున్నా. మన ఇంటెన్షన్ ప్యూర్‌‌గా ఉంటే అన్నీ నెరవేరుతాయి అనేది ఈ చిత్రంతో తెలుసుకున్నాను. సినిమా ఎందుకు తీయాలనే కారణం తెలుసుకుంటే అన్ని బాగుంటాయని కొత్తగా వచ్చే మేకర్స్‌కు చెప్పగలను. మా కారణం గట్టిగా ఉంది కాబట్టే ఇక్కడవరకు వచ్చాం. టీమ్ అందరి సపోర్ట్‌తోనే సక్సెస్‌ వచ్చింది” అంటూ తెలిపారు.

నిర్మాత రాజ్ అల్లాడ భార్య మాధూరి మాట్లాడుతూ..‘‘మా సినిమాకు ప్రేక్షకుల నుంచి మంచి ఆదరణ దక్కడం చాలా ఆనందంగా ఉంది. సినిమా చూసిన వారంతా కొత్త వాళ్లు తీసినట్టు లేదని చెబుతున్నారు. ముఖ్యంగా మ్యూజిక్‌ మా మూవీకి మరింత ప్లస్ అయ్యింది. అందరి మనసుకు హత్తుకునేలా మా చిత్రం ఉంటుంది” అంటూ తెలిపారు.

మ్యూజిక్ డైరెక్టర్ కళ్యాణ్ నాయక్ మాట్లాడుతూ ..‘‘ఆడియెన్స్ ఇచ్చిన ఈ సక్సెస్ చాలా హ్యాపీగా ఉంది. మా కష్టానికి తగ్గ ప్రతిఫలం దక్కినట్టుగా అనిపించింది” అంటూ తెలిపారు.

నిర్మాత రాజ్ అల్లాడ మాట్లాడుతూ..”మంచి స్పందన వచ్చింది. చక్కటి మ్యూజికల్ లవ్ స్టోరీ. కొత్తవారైనా అందరూ బాగా నటించారు. హీరో కమ్ దర్శకుడు కూడా పాత్రలో లీనమై మురిపించాడు. ఇందులో నటించిన నటీనటులకు, సాంకేతితిక సిబ్బంది పేరు పేరునా ధన్యవాదాలు తెలియజేస్తున్నా” అంటూ తెలిపారు.

మొదటి సోమవారం డౌన్ అయిపోయిన ‘ఫంకీ’ కలెక్షన్స్