అక్కాచెల్లెళ్ల కలసి టాలీవుడ్ను కలసి ఏలేస్తారు అనేంతగా ఆశలు రేకెత్తించిన నటి నిషా అగర్వాల్. స్టార్ హీరోయిన్గా కాజల్ ఎదుగుతున్న క్రమంలో వచ్చింది సోదరి నిషా అగర్వాల్. వరుసగా సినిమాలు చేసినా… సరైన విజయం మాత్రం అందుకోలేకపోయింది. ఆ తర్వాత అక్క కంటే ముందే వివాహం చేసుకొని సినిమాలకు దూరమైంది. అయితే ఇప్పుడు రీఎంట్రీ ఇవ్వడానికి సిద్ధమవుతోందా? అవుననే అంటున్నాయి ఓటీటీ వర్గాలు. ‘ఏమైంది ఈవేళ’ సినిమాతో తెలుగు ప్రేక్షకులకు పరిచయమైంది నిషా అగర్వాల్.
ఆ తర్వాత ‘సోలో’, ‘సుకుమారుడు’, ‘సరదాగా అమ్మాయి’ లాంటి చిత్రాల్లో నటించి మెప్పించింది. అయితే ఆమెకు వరుస అవకాశాలు ఇప్పించే హిట్లు కాలేదు. అయితే ఇదే సమయంలో తమిళం, మలయాళంలోనూ కొన్ని సినిమాలు చేసింది. ఆఖరికి 2013లో ముంబయికి చెందిన ఓ వ్యాపారవేత్తను వివాహం చేసుకుంది. ఆ తర్వాత సినిమాలకు గుడ్బై చెప్పేసి కుటుంబ జీవితం గడుపుతోంది. తాజాగా వెంకటేశ్, రానా కాంబినేషన్లో ఓ వెబ్సిరీస్ రూపొందబోతోంది. నెట్ఫ్లిక్స్ రూపొందించనున్న ఈ వెబ్సిరీస్లో నిషా అగర్వాల్ కీలక పాత్రలో నటిస్తోందని టాక్.
అయితే ఈ ప్రాజెక్ట్పై ఇప్పటివరకు ఎలాంటి అధికారిక ప్రకటన రాలేదు. ఆ ప్రకటనతోపాటే కాస్ట్ అండ్ క్రూ అనౌన్స్ చేస్తారు. అందులో నిషా అగర్వాల్ పేరు కూడా ఉంటుందని అంటున్నారు. చూద్దాం… నిషా ఓటీటీ కెరీర్ ఎలా సాగుతుందో?
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
