శ్రీనివాస కళ్యాణంలో నితిన్ క్యారక్టర్ ఇదే

దర్శకుడు సతీష్ వేగ్నేశ శతమానం భవతి సినిమాలో తండ్రి పిల్లల మధ్య అనుబంధం ఎలా ఉండాలో చక్కగా చూపించి.. జాతీయ అవార్డును సొంతం చేసుకున్నారు. ఈ సారి శ్రీనివాస కళ్యాణంలో మన పెళ్లి తంతులో ఉన్న సున్నితమైన అంశాలపై ఆలోచింపజేయించనున్నారు. ఈ కథలో నితిన్ హీరోగా నటిస్తున్న సంగతి తెలిసిందే. లై తో అపజయాన్ని చూసిన నితిన్… కృష్ణ చైతన్య దర్శకత్వంలో చల్ మోహన్ రంగ సినిమా చేశారు. మేఘా ఆకాష్ హీరోయిన్ గా నటించిన ఈ సినిమా కూడా సరైన విజయాన్ని నితిన్ కి ఇవ్వలేకపోయింది. సో సతీష్ వేగ్నేశపైనే ఆశలు పెట్టుకున్నారు. ఈ సినిమా ప్రస్తుతం చండీఘడ్ లో జరుగుతోంది.

అక్కడ అందమైన కట్టడాల వద్ద కీలకమైన సన్నివేశాలను తెరకెక్కిస్తున్నారు. దీంతో నితిన్ రోల్ బయటికి వచ్చింది. ఇందులో ఆర్టిటెక్ట్ గా కనిపించనున్నారు. ఈ షెడ్యూల్ ఈనెల 5 వతేదీతో పూర్తి అవుతుంది. అప్పుడు చిత్ర యూనిట్ హైదరాబాద్ కి తిరిగిరానుంది. దిల్ రాజు నిర్మిస్తున్న ఈ సినిమాలో ఢిల్లీ బ్యూటీ రాశిఖన్నా హీరోయిన్ గా నటిస్తోంది. మిక్కి జే మేయర్ సంగీతం సమకూరుస్తున్న ఈ చిత్రంలో “ఎక్కడికి పోతావు చిన్నవాడ” ఫేమ్ నందితా శ్వేతా కీలకరోల్ పోషిస్తోంది.