నితిన్ నెక్స్ట్ సినిమా వివరాలు..!!

“అ ఆ” సినిమాతో తన కెరీర్ లోనే బిగ్గెస్ట్ హిట్ అందుకొన్న సంతోషంతో మాంచి జోరుమీదున్న నితిన్, ఆ సినిమా విజయం ఇచ్చిన ఎనర్జీతో గ్యాప్ లేకుండా మరో సినిమా చేసేందుకు సన్నద్ధమవుతున్నాడు. ఫ్లాపులతో కొట్టుమిట్టాడుతున్న రామ్ కు “నేను శైలజ” లాంటి సూపర్ హిట్ ను అందించి.. ఒక్కసారిగా అతడ్ని లైమ్ లైట్ లోకి తీసుకువచ్చిన కిషోర్ తిరుమల దర్శకత్వంలో నటించేందుకు నితిన్ సుముఖత తెలిపాడని సమాచారం. ఇప్పటికే కథాచర్చలు కూడా ముగిశాయని, త్వరలోనే సినిమా సెట్స్ కు వెళ్ళే అవకాశాలు ఉన్నాయన్నది సన్నిహిత వర్గాల సమాచారం.

నిజానికి కిషోర్ తిరుమల తన తదుపరి చిత్రం వెంకటేష్ హీరోగా చేయాల్సి ఉంది. కానీ, వెంకీ “బాబు బంగారం”, “సాలా ఖద్దూస్” రీమేక్ లతో బిజీగా ఉండడంతో.. ఆ సినిమాలు పూర్తయ్యేలోపు నితిన్ సినిమా పూర్తి చేసేసి, ఆ తర్వాత వెంకీ వద్దకు వెళతాడట కిషోర్!