యంగ్ హీరో నితిన్ కొత్త సినిమా మ్యాస్ట్రో అంధాధూన్ కు రీమేక్ గా తెరకెక్కుతున్న సంగతి తెలిసిందే. హాట్ స్టార్ లో ఈ సినిమా రిలీజ్ కానుండగా నితిన్ కు జోడీగా నభా నటేష్ ఈ సినిమాలో నటిస్తున్నారు. ఈ మూవీలో నెగిటివ్ షేడ్స్ ఉన్న పాత్రలో తమన్నా నటిస్తున్నారు. మొదట ఈ సినిమా సెప్టెంబర్ 10వ తేదీన ఓటీటీలో రిలీజ్ కానుందని వార్తలు వచ్చాయి. సోమవారం సాయంత్రం 5 గంటలకు రిలీజైన ట్రైలర్ లో సైతం సెప్టెంబర్ 9వ తేదీన మ్యాస్ట్రో ప్రీమియర్స్ అంటూ ప్రకటన వచ్చింది.
అయితే ట్రైలర్ రిలీజైన పది నిమిషాలకే నితిన్ ఫస్ట్ రిలీజ్ చేసిన ట్రైలర్ డిలేట్ కాగా కొత్త ట్రైలర్ లో కమింగ్ సూన్ అని పేర్కొన్నారు. నితిన్ రిలీజ్ డేట్ విషయంలో భయపడ్డాడా..? అనే ప్రశ్నలు వ్యక్తమవుతున్నాయి. ఎగ్జిబిటర్లు రిలీజ్ డేట్ విషయంలో ఆందోళన చేస్తున్న నేపథ్యంలో మాస్ట్రో ప్రీమియర్ డేట్ ను ప్రకటించే విషయంలో నితిన్ వెనక్కు తగ్గినట్టు తెలుస్తోంది. అయితే రిలీజ్ డేట్ ను సడన్ గా ప్రకటించి ట్విస్ట్ ఇస్తారేమో చూడాల్సి ఉంది.
మరో వారం రోజులు ఆగితే టక్ జగదీష్ రిలీజ్ డేట్ కు సంబంధించి క్లారిటీ వచ్చే అవకాశం ఉంది. ఈ ఏడాది రిలీజైన చెక్, రంగ్ దే ఫలితాలు నితిన్ కు భారీ షాక్ ఇచ్చాయి. మాస్ట్రో సినిమాతో నితిన్ సక్సెస్ ను సొంతం చేసుకుంటాడో లేదో చూడాల్సి ఉంది. తమన్నా ఇప్పటివరకు చేసిన పాత్రలకు భిన్నమైన పాత్రను ఈ సినిమాలో పోషిస్తున్నారు. లవ్ స్టోరీకి పోటీగా మాస్ట్రో సినిమా విడుదలైతే మాత్రం కచ్చితంగా విమర్శలు వ్యక్తమయ్యే అవకాశాలు ఉన్నాయి.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
