Nithiin: మరో ప్రాజెక్ట్ క్యాన్సిల్ చేయక తప్పట్లేదు!

May 28, 2021 / 09:32 AM ISTByFilmy Focus

Join Us

Nithiin: మరో ప్రాజెక్ట్ క్యాన్సిల్ చేయక తప్పట్లేదు!

టాలీవుడ్ యువ హీరో నితిన్ మరోసారి వరుస డిజాస్టర్స్ తో సతమతమవుతున్న విషయం తెలిసిందే. గత ఏడాది భీష్మ సినిమాతో బాక్సాఫీస్ హిట్ అందుకొని ఫామ్ లోకి వచ్చిన నితిన్ ఆ సినిమా అనంతరం ప్రయోగాలు చేసి ఫెయిల్ అయ్యాడు. చంద్రశేఖర్ యేలేటి దర్శకత్వంలో చేసిన చెక్ సినిమా కనీసం పెట్టిన పెట్టుబడిని కూడా వెనక్కి తీసుకురాలేకపోయింది. ఇక ఆ తరువాత పెద్దగా గ్యాప్ తీసుకోకుండా విడుదల చేసిన రంగ్ దే మొదట్లో కాస్త పాజిటివ్ టాక్ అందుకున్నప్పటికి

ఆ తరువాత మాత్రం కమర్షియల్ గా నష్టాలు తప్పలేదు. ఇక ప్రస్తుతం మాస్ట్రో సినిమాతో సిద్ధమవుతున్న విషయం తెలిసిందే. బాలీవుడ్ హిట్ మూవీ అందాదున్ సినిమాకు ఇది రీమేక్ గా రాబోతోంది. అయితే ఇటీవల నితిన్ ఒక సినిమాను క్యాన్సిల్ చేసుకున్నట్లు సమాచారం. కృష్ణ చైతన్య దర్శకత్వంలో పవర్ పేట అనే సినిమాను చేయాలని అనుకున్నాడు. అందులో 60ఏళ్ళ ముసలి వాడి పాత్రలో నటించడానికి సిద్ధమైనట్లు టాక్ కూడా వచ్చింది.

23-Nithiin

అయితే ప్రస్తుత పరిస్థితుల కారణంగా హై బడ్జెట్ లో ఆ సినిమా చేయడం రిస్క్ తో కూడుకున్న పని కాబట్టి క్యాన్సిల్ చేసినట్లు సమాచారం. ఇప్పట్లో అయితే పవర్ పేట స్టార్ట్ అయ్యే ఛాన్స్ లేదట. ఉండకపోవచ్చు అనే టాక్ కూడా వస్తోంది. ఇక మరోవైపు వక్కంతం వంశీతో నితిన్ ఒక సినిమా చేయడానికి చర్చలు జరుపుతున్నట్లు సమాచారం.