స్పైడర్ రిలీజ్ తేదీల్లో మార్పు లేదు

మురుగదాస్ డైరక్షన్లో మహేష్ బాబు చేస్తున్న స్పైడర్ మూవీ  రెండు పాటలు మినహా దాదాపు టాకీ పార్ట్ పూర్తి చేసుకుంది. ఏకకాలంలో తెలుగు, తమిళ భాషల్లో తెరకెక్కుతోన్న ఈ సినిమాలో మహేష్ ఇంటెలిజన్స్ ఆఫీసర్ రోల్ పోషిస్తుండగా, విలన్ గా ఎస్.జె.సూర్య నటిస్తున్నారు. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఎన్.వి.ప్రసాద్ నిర్మిస్తున్న ఈ మూవీలో దసరా కానుకగా సెప్టెంబర్ 29 న ప్రేక్షకుల ముందుకు రానున్నట్లు ప్రకటించారు. అయితే గ్రాఫిక్స్ వర్క్ ఎక్కువగా ఉండడంతో ఈ సినిమా రిలీజ్ డిసెంబర్ కి వాయిదా వేసినట్లు రెండు రోజులుగా గాసిప్స్ చక్కర్లు కొట్టాయి. ఈ వార్తలను చిత్ర బృందం కొట్టిపడేసింది.

చెప్పిన సమయానికి స్పైడర్ థియేటర్లోకి వస్తాడని స్పష్టం చేసింది. మిగిలి ఉన్న పాటల్లో ఒకదాన్ని జూలై 5వ తేదీ నుండి షూట్ చేస్తామని, ఇంకో పాటను ఆగష్టు నెల మొదట్లో స్టార్ట్ చేస్తామని వెల్లడించింది. అలాగే గ్రాఫిక్ వర్క్ పూర్తి చేయడానికి ఎక్కువ సమయం తీసుకున్నప్పటికీ సెప్టెంబర్ 29న సినిమా విడుదలవుతుందని వివరించింది. మహేష్ ప్రస్తుతం కొరటాల శివ దర్శకత్వంలో భరత్ అను నేను సినిమా షూటింగ్ లో బిజీగా ఉన్నారు. ఈ మూవీ షెడ్యూల్ గ్యాప్ లో స్పైడర్ పాటలను కంప్లీట్ చేయనున్నారు.

Also, do SUBSCRIBE to our YouTube channel to get latest Tollywood updates.