ఈమె చేయట్లేదని చెప్పింది కానీ.. అందరూ కోరుకొనే కాంబినేషన్ అదే

శ్రీదేవి ముద్దుల కుమార్తె జాన్వి కపూర్ మరాఠీ సూపర్ హిట్ చిత్రం ‘సైరత్’కు రీమేక్ గా హిందీలో తెరకెక్కుతున్న ‘ధడక్’ చిత్రంతో కథానాయికగా వెండితెరకు పరిచయమవుతున్న విషయం తెలిసిందే. ఈ సినిమా షూటింగ్ పూర్తయ్యి ప్రస్తుతం పోస్ట్ ప్రొడక్షన్ వర్క్ జరుపుకుంటోంది. ఈ సినిమా విడుదల అనంతరం జాన్వి కపూర్ బాలీవుడ్ ప్రఖ్యాత దర్శకుడు సంజయ్ లీలా భన్సాలీ దర్శకత్వంలో నటించనుందంటూ గత రెండుమూడు రోజులుగా బాలీవుడ్ మీడియా హడావుడి చేసిన విషయం తెలిసిందే. భారీ కుటుంబ నేపధ్యం, పరిచయాలు ఉండడంతో ఇదేమీ అంత అసాధ్యమైన పని కాదు కాబట్టి నిజమేనేమో అనుకొన్నారందరూ.

కట్ చేస్తే.. ఆ వార్తలు నిజం కాదని కన్ఫర్మ్ చేసింది జాన్వి కపూర్ పి.ఆర్ టీం. అసలు సంజయ్ ఇప్పటివరకూ జాన్వి కపూర్ ని కలిసింది కూడా లేదని మీడియా వస్తున్న కథనాలన్నీ అవాస్తవమేనని పేర్కొన్నారు. అయితే.. శ్రీదేవి అభిమానులు మాత్రం సంజయ్ లీలా దర్శకత్వంలో జాన్వి కపూర్ నటిస్తే ఎంత బాగుండు అని ఆలోచిస్తోంది. ఎందుకంటే.. ఒక నటిలోని ప్రతి కోణాన్ని అద్భుతంగా తెరపై ప్రెజంట్ చేయగల సంజయ్ దర్శకత్వంలో నటించడం అంటే జాన్వి కపూర్ నటిగా ఒక మెట్టు ఎక్కినట్లే.