Ilaiyaraaja: ఇకపై ఇళయరాజా నుండి కాపీరైట్ కేసులు ఉండవ్.. ఎందుకంటే?

గత కొన్నేళ్లుగా తెలుగు, తమిళ, మలయాళ ఇండస్ట్రీలు పాత పాటలు తమ సినిమాలో వాడాలంటే భయపడిచచ్చారు. అందుకు ఒకే ఒక్క కారణం ఇళయరాజా. ఏదైనా కొత్త సినిమాలో తాను సంగీతం అందించిన పాట లేదా బీజీయం వినిపిస్తే చాలు.. వెంటనే కనీసం 50 లక్షల రూపాయల విలువ కాపీరైట్ కేస్ దాఖలు చేసేవారు. రీసెంట్ గా వచ్చిన “గుడ్ బ్యాడ్ అగ్లీ, డ్యూడ్, మంజుమ్మల్ బేస్, కూలీ” వంటి సినిమాలన్నీ ఇళయరాజాకి లక్షల్లో డబ్బులు ఫైన్ రూపంలో కట్టినవే. రీసెంట్ గా వచ్చిన “మన శంకర వరప్రసాద్ గారు” మాత్రమే ఈ లిస్టులో మినహాయింపు.. ఎందుకంటే.. ఈ సినిమాలో “దళపతి” చిత్రంలోని సుందరి పాట వాడినప్పటికీ.. ముందుగానే ఇళయరాజా దగ్గర పర్మిషన్ తీసుకోవడంతో.. కాపీ రైట్స్ కేసుల గోల లేకుండాపోయింది.

Ilaiyaraaja

అయితే.. ఇళయరాజా కాపీరైట్స్ స్ట్రైక్స్ కి ప్రస్తుతానికి చెక్ పడినట్లు తెలుస్తోంది. అందుకు కారణం సరిగమ మ్యూజిక్ సంస్థ ఢిల్లీ కోర్టులో గెలిచిన కేస్. ఇళయరాజా సంగీతం అందించిన 134 సినిమాల మ్యూజిక్ రైట్స్ సరిగమ సంస్థ దగ్గర ఉన్నాయి. వాటి విషయంలో ఇళయరాజాతో కొన్నేళ్లుగా కుస్తీ పడుతూనే ఉన్నాయి. అయితే.. ఇటీవల ఢిల్లీ హై కోర్టు ఇకపై ఇళయరాజా సదరు 134 సినిమాల సంగీతం విషయంలో ఇళయరాజాకి ఎలాంటి హక్కు లేదని, కాపీ రైట్స్ అగ్రిమెంట్ ప్రకారం అది సరిగమ సంస్థకి మాత్రమే చెందుతాయని తీర్పు ఇచ్చింది.

దాంతో.. ప్రస్తుతానికి ఇళయరాజా ఆ 134 సినిమాల సంగీతం విషయంలో ఎలాంటి కాపీ రైట్స్ స్ట్రైక్స్ వేయడానికి వీలు లేకుండాపోయింది. 1976 నుండి 2001 సంవత్సరం వరకు.. ఇళయరాజా సంగీతం అందించిన చాలా సినిమాల మ్యూజిక్ హక్కులు సరిగమ సంస్థ దగ్గరే ఉన్నాయి. అయితే.. ఇళయరాజా ఆ పాటల్ని పలు మ్యూజిక్ యాప్స్ లో అప్లోడ్ చేసుకొని, వాటి రెవెన్యూ క్లెయిమ్ చేసుకుంటున్నారు.

ఈ విషయమై పోరాడిన సరిగమ సంస్థ, ఎట్టకేలకు విజయం సాధించింది. ఇకపోతే.. ఒకరకంగా ఇండస్ట్రీ ఊపిరి పీల్చుకుంటుండగా, మ్యూజిక్ క్రియేటర్ కి కనీస స్థాయి రైట్స్ లేకుండా మ్యూజిక్ కంపెనీలు మోనోపలి చేయడం అనేది గొంతు నొక్కే ప్రయత్నం లాంటిది. మరి ఈ విషయమై మ్యూజిక్ ఇండస్ట్రీ ఎలా రెస్పాండ్ అవుతుందో చూడాలి.

అమీషా పటేల్ కి అరెస్ట్ వారెంట్