ఏడాది నుండి ఒక్క ఆఫర్ కూడా లేక బాధపడుతున్న అనుపమ

తెలుగులో సినిమాలు చేయకముందే టాలీవుడ్ లో విశేషమైన అభిమాన గణం సొంతం చేసుకున్న అనుపమ పరమేశ్వరన్ తెలుగులోకి ఎంట్రీ ఇచ్చిన తర్వాత స్టార్ హీరోయిన్ రేంజ్ ను అందుకొనేలోపే ఎందుకనో కుదేలైపోయింది. ఇక “హలో గురు ప్రేమ కోసమే” సినిమాలో అమ్మడు మరీ బొద్దుగా కనిపించేసరికి అమ్మడి పని పనైపోయింది అనుకున్నారు జనాలు. అందుకు తగ్గట్లుగానే అనుపమ సినిమాలు సైన్ చేయడం మానేసి డబ్ స్మాష్ లు చేస్తూ కూర్చోవడం వంటివి ఆ డౌట్ ను కంటిన్యూ చేశాయి.

అయితే.. “హలో గురు ప్రేమ కోసమే” సినిమా విడుదలై ఏడాది పూర్తైంది. మధ్యలో బెల్లంకొండ శ్రీనివాస్ తో కలిసి “రాక్షసుడు” సినిమాలో నటించినప్పటికీ.. ఆ సినిమాలో అమ్మడు హీరోయిన్ గా కంటే క్యారెక్టర్ ఆర్టిస్ట్ గా మిలిగిపోయింది. దాంతో ఆమె అభిమానులు కూడా ఆ సినిమాను పెద్దగా కన్సిడర్ చేయలేదు. ఇక ఆ సినిమా తర్వాత అమ్మడికి ఇప్పటివరకు ఒక్క సినిమా ఆఫర్ కూడా రాలేదు. తెలుగులో మాత్రమే కాదు ఇతర భాషల నుండి కూడా అమ్మడికి ఆఫర్లు రాకపోతుండడం గమనార్హం. పాపం ఎప్పటికప్పుడు ఇన్స్టాగ్రామ్ లో కొత్త ఫోటోలు అప్లోడ్ చేస్తూ ఆఫర్ల కోసం నానా బాధలు పడుతోంది. మరి అనుపమను మన దర్శకనిర్మాతలు పట్టించుకోవడం మానేశారా? మరి అనుపమ భవిష్యత్ ఏమిటి? అనేది చూడాలి.

“జార్జ్ రెడ్డి” సినిమా రివ్యూ & రేటింగ్!
యాక్షన్ సినిమా రివ్యూ & రేటింగ్!
తెనాలి రామకృష్ణ బిఏ బిఎల్ సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!