ఇలా అయితే కష్టమేమో జగ్గూ బాయ్..!

దాదాపు జగపతి బాబు పని అయిపొయింది అనుకున్న టైంలో .. బోయపాటి శ్రీను ‘లెజెండ్’ చిత్రంతో ఆదుకున్నాడు. ఆ చిత్రంలో విలన్ పాత్ర చేసిన జగపతి బాబు.. ఒక్కసారిగా అందరినీ ఆశ్చర్యపరిచాడు. ఫ్యామిలీ హీరోగా సాఫ్ట్ క్యారెక్టర్స్ మాత్రమే చేసే జగపతి బాబులో ఇంత విలనిజం చూపించే కెపాసిటీ ఉందా అని అనుకున్నారు. ఆ చిత్రం బ్లాక్ బస్టర్ అవ్వడంతో వరుస జగపతి బాబు సెకండ్ ఇన్నింగ్స్ కు మంచి ఓపెనింగ్ అని చెప్పొచ్చు. ఆ తరువాత వరుసగా క్యారెక్టర్ ఆర్టిస్ట్ గా, విలన్ గా స్టార్ హీరోల సినిమాల్లో చేసి మళ్ళీ బిజీ అయ్యాడు జగపతి బాబు.

తెలుగులో మాత్రమే కాదు తమిళ, మలయాళ భాషల్లో కూడా ఆఫర్లు దక్కించుకుని సౌత్ మొత్తం క్రేజ్ సంపాదించుకున్నాడు. గత ఏడాది ‘రంగస్థలం’ ‘అరవింద సమేత’ చిత్రాల్లో విలన్ గా నటించి ప్రశంసలు దక్కించుకున్నాడు జగపతి బాబు. అయితే ఈ ఏడాది మాత్రం ఆయన హవా.. కాస్త తగ్గిందనే చెప్పాలి. ఒక్క ‘యాత్ర’ ‘మహర్షి’ ‘సైరా నరసింహారెడ్డి’ వంటి క్రేజీ చిత్రాల్లో తప్ప.. జగపతి బాబు పెద్దగా కనిపించలేదు. ఇక ‘సరిలేరు నీకెవ్వరు’ చిత్రంలో విలన్ ఛాన్స్ వచ్చినప్పటికీ.. ఎందుకో ఆ ప్రాజెక్ట్ నుండీ తప్పుకుంటున్నట్టు ప్రకటించాడు. అలా ఆ క్యారెక్టర్ కు ప్రకాష్ రాజ్ ను తీసుకున్నారు. ప్రస్తుతం జగపతి బాబు కి పెద్దగా ఆఫర్లు లేవనే టాక్ వినిపిస్తుంది. కొత్త డైరెక్టర్లు ఆయన్ని పట్టించుకోవట్లేదని కూడా కామెంట్స్ వినిపిస్తున్నాయి. ఇలాగే కంటిన్యూ అయితే ఆయన కెరీర్ కష్టమనే చెప్పాలి.

వెంకీ మామ సినిమా రివ్యూ & రేటింగ్!
అమ్మ రాజ్యంలో కడప బిడ్డలు సినిమా రివ్యూ & రేటింగ్!