నన్ను ఎవ్వరూ పట్టించుకోలేదంటున్న మెగాస్టార్ హీరోయిన్..!

మెగాస్టార్ చిరంజీవి, కె.విశ్వనాధం డైరెక్షన్లో తెరకెక్కిన క్లాసిక్ ‘ఆపద్భాంధవుడు’. ఈ చిత్రం కమర్షియల్ గా సక్సెస్ సాధించకపోయినా.. మెగాస్టార్ నటనకు మాత్రం హ్యాట్సాఫ్ చెప్పాల్సిందే. ఇక ఈ చిత్రంలో హీరోయిన్ మీనాక్షీ శేషాద్రి కూడా అందరికీ గుర్తుండే ఉంటుంది..? కుటుంబంలో జరిగిన కొన్ని భయంకరమైన సంఘటనల రీత్యా.. మానసికంగా దెబ్బతిన్న అమ్మాయి పాత్రలో హీరోయిన్ మీనాక్షి అద్భుతమైన నటన కనపరిచింది. అయితే ఈ చిత్రం తరువాత మరో తెలుగు సినిమా చేయలేదు ఈ బ్యూటీ.

అయితే బాలీవుడ్ లో మాత్రం ఈమె మంచి పేరు సంపాదించుకుంది. ఇదిలా ఉండగా.. ఈమె ఇండస్ట్రీకి దూరమయ్యి చాలా రోజులయ్యింది. చాలా కాలం క్రితమే అమెరికాలో సెటిల్ అయిన ఈమె సోషల్ మీడియాలో కూడా పెద్దగా యాక్టివ్ గా ఉండదు. అయితే ఇటీవల ఈమె అభిమానులను పలకరించింది. ఇప్పుడు ఈమెను చూస్తే అందరూ షాక్ అవ్వాల్సిందే. ఈమె మొహం చాలా మారిపోయింది. ఇక అసలు మ్యాటర్ ఏంటంటే… ఇటీవల మీనాక్షీ శేషాద్రి తన డ్రైవింగ్ లైసెన్స్ రెన్యువల్ నిమిత్తం.. గంటల తరబడి క్యూలో నిలబడివుంది. అయినప్పటికీ ఆమెని ఎవరూ గుర్తు పట్టలేదట. ఈ విషయాన్నిస్వయంగా.. ఆమెనే తన ట్విట్టర్ ద్వారా తెలిపింది. అంతేకాదు ఆమె అక్కడ నిలబడి ఉన్న ఫోటోలను కూడా షేర్ చేసింది. ‘ఎనిమిది గంటల పాటు క్యూలో వెయిట్ చేశాను.. అయినా ఎవ్వరూ గుర్తుపట్టలేదు.. ఇది అమెరికా’.. అంటూ ట్వీట్ లో పేర్కొంది.

అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!