టాలీవుడ్ యంగ్ హీరో నిఖిల్ నటించిన ‘కార్తికేయ2’ సినిమా విడుదలకు సిద్ధంగా ఉంది. నిజానికి జూలైలోనే ఈ సినిమా విడుదల కావాల్సింది కానీ వాయిదా పడుతూ వచ్చింది. ముందుగా ‘థాంక్యూ’ సినిమాతో పోటీగా రావాలనుకున్నారు. అయితే దిల్ రాజు కన్విన్స్ చేసి వాయిదా వేయించారు. ఆ తరువాత నితిన్ ‘మాచర్ల నియోజకవర్గం’ సినిమాకి పోటీగా వస్తున్నట్లు అనౌన్స్ చేశారు. కానీ మళ్లీ వాయిదా వేయాల్సి వచ్చింది. మరో సినిమాతో థియేటర్ల కోసం పోటీ రాకుండా ఉండడానికి వీలుగా విడుదల తేదీని మార్చుకున్నారు.
ఎట్టకేలకు ఈ నెల 13న సినిమా ప్రేక్షకుల ముందుకు రానుంది. అయినప్పటికీ థియేటర్ల సమస్య కొనసాగుతూనే ఉంది. ఎందుకంటే శుక్రవారం నాడు విడుదలైన ‘సీతారామం’, ‘బింబిసార’ సినిమాలకు పాజిటివ్ టాక్ వచ్చింది. ఈ రెండు సినిమాలు థియేటర్లలో బాగా ఆడుతున్నాయి. రోజురోజుకి ఈ సినిమాల కలెక్షన్స్ పెరుగుతూనే ఉన్నాయి. వచ్చేవారం కూడా ఈ సినిమాలు రన్నింగ్ లో ఉండడం ఖాయం. కాబట్టి ఈ రెండు సినిమాలు థియేటర్లను వదులుకోవడానికి ఇష్టపడవు.
వీటితో పాటు ఆగస్టు 12న ‘మాచర్ల నియోజకవర్గం’ సినిమా కూడా వస్తోంది. ఈ సినిమా రిలీజ్ డేట్ ను లాక్ చేసుకొని చాలా కాలమవుతుంది. థియేటర్లను కూడా బ్లాక్ చేశారు. మరోవైపు ఆమిర్ ఖాన్ ‘లాల్ సింగ్ చద్దా’ సినిమా రిలీజ్ కానుంది. రెండు తెలుగు రాష్ట్రాల్లో ఈ సినిమాను భారీగా విడుదల చేస్తున్నారు. ముఖ్యంగా మల్టీప్లెక్స్ లను టార్గెట్ చేసిన సినిమా ఇది. ఈ సినిమాలన్నీ థియేటర్లను పంచుకున్న తరువాత మిగిలిన థియేటర్లు నిఖిల్ ‘కార్తికేయ2’ సినిమాకి ఇస్తారు.
ఈ సినిమా కోసం భారీగా ఖర్చు పెట్టారు. మొత్తం రికవరీ కావాలంటే ఎక్కువ సంఖ్యలో థియేటర్స్ కావాల్సి ఉంటుంది. సినిమాకి పాజిటివ్ టాక్ వస్తే గనుక.. థియేటర్ల సంఖ్య పెరిగే ఛాన్స్ ఉంది. మరేం జరుగుతుందో చూడాలి!
Most Recommended Video
సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
