బిగ్ బాస్ రియాలిటీ షో సీజన్ 4లో కంటెస్టెంట్ గా పాల్గొన్న నోయెల్ అనారోగ్య కారణాలతో బయటకు వచ్చేశాడు. తిరిగి బిగ్ బాస్ హౌస్కి రీ ఎంట్రీ ఉండబోతుందని ప్రచారం నడిచింది. అయితే అందులో నిజం లేదని తేలిపోయింది. ఇదిలా ఉండగా.. తన స్నేహితురాలు హారికను గెలిపించాలని నోయెల్ కోరుతున్నాడు. ఈ క్రమంలో తాను బిగ్ బాస్ షోని చూడడం మానేశానని చెప్పి షాకిచ్చాడు. బిగ్ బాస్ షో నోయెల్ లో వైరాగ్యాన్ని నింపినట్లు అతడి మాటల బట్టి అర్ధమవుతోంది.
ఎంతగా అంటే చివరికి అతడు హైదరాబాద్ సిటీని వదిలేసి.. సిటీకి దూరంగా కొన్న ఇంటికి మకాం షిఫ్ట్ చేశారు. ఈ ఇంటికి హారిక అన్నయ్య వంశీ, అలానే యాంకర్ నిఖిల్ వెళ్లారు. నిఖిల్ కి ఇచ్చిన ఇంటర్వ్యూలో బిగ్ బాస్ షోపై నోయెల్ ఆసక్తికర కామెంట్స్ చేశారు. ఏడాది క్రితం సిటీకి దూరంగా ఇంటిని కొన్నట్లు చెప్పాడు నోయెల్. ఇష్టపడే మనుషులకు ఎంత దూరంగా ఉంటే అంత మంచిదని నోయెల్ అన్నారు. దగ్గరగా ఉంటేనే సమస్యలు వస్తాయని.. అందుకే తాను సిటీకి దూరంగా ఇల్లు కొన్నట్లు చెప్పారు.
అయితే నోయల్ ఈ మాటలు ఎవర్ని ఉద్దేశించి అన్నాడనే విషయంలో రాహుల్ సిప్లిగంజ్ పేరు వినిపిస్తోంది. రాహుల్ కి తనకు సపోర్ట్ చేయలేదని నోయెల్ ఈ రకమైన కామెంట్స్ చేసి ఉంటారని సోషల్ మీడియాలో చర్చ జరుగుతోంది. ఇక తనకు పాపులారిటీ తెచ్చిన బిగ్ బాస్ రియాలిటీ షో గురించి తన అభిప్రాయాలను కుండబద్దలు కొట్టినట్లు చెప్పాడు. బిగ్ బాస్ షో మనకి అవసరం లేదని అర్థమైందని షాకింగ్ కామెంట్స్ చేశాడు.
అసలు ఆ షోకి తానెందుకు వెళ్లానో అనే ఫీలింగ్ బాధ పెడుతున్నట్లు చెప్పాడు. దీంతో ఆ షోని పూర్తిగా చూడడం మానేసినట్లు నోయెల్ చెప్పారు. బిగ్ బాస్ హౌస్ లో ఉన్న హారికకు తన సపోర్ట్ ఉంటుందని.. హారిక ఎంతో కష్టపడి ఇక్కడివరకు వచ్చిందని.. ఈసారైనా అమ్మాయిని గెలిపించాలని అభిమానులను కోరాడు నోయెల్.
Most Recommended Video
బిగ్గెస్ట్ బ్లాక్ బస్టర్ మూవీస్ ను రిజెక్ట్ చేసిన రాజశేఖర్..!
టాలీవుడ్లో సొంత జెట్ విమానాలు కలిగిన హీరోలు వీళ్ళే..!
ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?
