బాలీవుడ్‌ బ్యూటీ బాంబ్‌, ఐటమ్‌ గర్ల్‌ అనే పేరు సరిగ్గా సరిపోయే నటి ప్రస్తుతం ఎవరు అంటే నోరా ఫతేహి (Nora fatehi) పేరు చెబుతారు. అలాంటి ఆమె అందంగా లేదని ఓ ప్రొడక్షన్‌ హౌస్‌ రిజెక్ట్ చేసింది అంటే నమ్ముతారా? కానీ ఇది జరిగింది. ఆ విషయాన్ని చెప్పింది ఆమెనే. జరిగింది ఆమె ఇండస్ట్రీలోకి వచ్చిన తొలినాళ్లలో జరిగిందట. ఆ ప్రొడక్షన్‌ హౌసే యశ్‌ రాజ్‌ ఫిల్మ్స్‌. స్పెషల్‌ సాంగ్స్‌తో బాలీవుడ్‌లో ప్రత్యేక గుర్తింపు తెచ్చుకుంది నోరా ఫతేహి.
స్టార్‌ హీరో సినిమాల్లో ఐటెమ్‌ సాంగ్‌ అంటే ఆమె పేరు కచ్చితంగా వినిపిస్తుంది. అలాంటి ఆమె తొలి రోజుల్లో ఆడిషన్స్‌కి వెళ్తే అందంగా లేవు అంటూ రిజెక్ట్ చేశారు. యశ్‌ రాజ్‌ ఫిల్మ్స్‌ సినిమాలో ఛాన్స్‌ కోసం వారాలపాటు శ్రమించిందట నోరా. అలా ఆడిషన్‌ ఇచ్చాక రిజెక్ట్ చేశారట. కారణం అడిగితే అందంగా లేవు అని అన్నారట. ఆ సమయంలో ఆ మాట తనను ఎంతో బాధించింది అని, ఆ క్షణంలో కోపంతో ఫోన్‌ పగలకొట్టా అని కూడా చెప్పింది.
అయితే ఆమెను రిజక్ట్‌ చేసిన ఫ్లాప్ అయిందని కూడా చెప్పింది. అయితే ఆ సినిమా ఏంటి అనేది చెప్పలేదు. దీంతో ఆ ఫ్లాప్ సినిమా కోసమా అంతలా బాధపడ్డా అని తనను తాను సముదాయించుకుందట. మనకు రాసి పెట్టి ఉంటే ఎప్పటికైనా మనకే దక్కుతుందని అర్థం చేసుకుందట. అంతేకాదు కెరీర్‌ ఆరంభంలో దోపిడీకి గురయ్యానని చెప్పిన నోరా.. మోడల్‌ ఏజెన్సీ వాళ్లు పని చేయించుకుని డబ్బులు చెల్లించలేదని చెప్పింది.
ఆ సమయంలో రూమ్‌ అద్దె కట్టడానికి కూడా డబ్బులు ఉండేవి కావని చెప్పింది. ఆ స్టేజీ నుండి ఒక్కో ఛాన్స్‌ సంపాదించుకుంటూ ఇప్పుడు ఈ స్థాయిలో ఉన్నా అని చెప్పింది. ఇక నోరా తెలుగు సినిమాల సంగతి చూస్తే.. ‘టెంపర్‌’, ‘కిక్‌ 2’ (Kick 2) సినిమాల్లో ఐటెమ్‌ సాంగ్స్‌తో అలరించింది. త్వరలో విడుదల కానున్న ‘మట్కా’లో (Matka) ‘లే లే రాజా..’ పాటకు డ్యాన్స్‌ చేసింది. దాంతోపాటు కొన్ని సన్నివేశాలు కూడా ఉన్నాయట.
