‘ఉమామహేశ్వర ఉగ్రరూపస్య’ .. పెద్ద రచ్చే చేసిందిగా..!

ట్యాలెంటెడ్ హీరో సత్యదేవ్ నటించిన తాజా చిత్రం ‘ఉమామహేశ్వర ఉగ్రరూపస్య’. ‘కేరాఫ్ కంచెరపాలెం’ దర్శకుడు వెంకటేష్ మహా తెరకెక్కించిన ఈ చిత్రం ఇటీవల ఓటిటిలో విడుదలయ్యి సూపర్ హిట్ అయ్యింది. ‘మ‌హేశింతే ప్రతీకార‌మ్‌’ అనే మలయాళం సినిమాకి ఇది రీమేక్. అయినప్పటికీ తెలుగు ప్రేక్షకుల అభిరుచికి తగినట్టు ఎంతో నేచురల్ గా ఈ చిత్రాన్ని తీర్చిదిద్దాడు దర్శకుడు. ఇక ఈ సినిమాలో అందరి పాత్రలు ప్రేక్షకులను బాగా ఆకట్టుకున్నాయి. సత్యదేవ్, నరేష్, సుహాస్ పాత్రలు అయితే హైలెట్ గా నిలిచాయి.

ఇదిలా ఉండగా.. ఈ చిత్రం శాటిలైట్ రైట్స్ ను ఈటీవీ వారు కొనుగోలు చేశారు. ‘ఎటువంటి లోకల్ ఛానెల్స్ లోనూ ఈ చిత్రాన్ని టెలికాస్ట్ చెయ్యకూడదు. చేస్తే కఠిన చర్యలు తీసుకుంటాం’ అని ముందుగానే హెచ్చరించారు. అయితే హైదరాబాద్ లోని ఓ లోకల్ ఛానెల్ లో ‘ఉమామహేశ్వర ఉగ్రరూపస్య’ చిత్రాన్ని టెలికాస్ట్ చేస్తుండగా .. ఈటీవీ వారికి ఈ విషయాన్ని కొంతమంది ఇన్ఫార్మ్ చేశారట. వెంటనే వారు.. సగటు లోకల్ ఛానెల్ వారికి కోటి రూపాయలు నష్ట పరిహారం చెల్లించాలి అంటూ నోటీసులు పంపారని తెలుస్తుంది.

అంతేకాదు వారిని అరెస్ట్ చేయించడానికి కూడా సిద్దపడ్డారట. కానీ వారు క్షమించమని కోరడంతో కంప్రమైజ్ అయినట్టు తెలుస్తుంది. ‘ఉమామహేశ్వర ఉగ్రరూపస్య’ చిత్రాన్ని ‘బాహుబలి’ నిర్మాతలు అయిన ‘ఆర్కా మీడియా’ వారు నిర్మించిన సంగతి తెలిసిందే.

Most Recommended Video

మొహమాటం లేకుండా తమ సినిమాలు ప్లాప్ అని ఒప్పుకున్న హీరోల లిస్ట్…!
మన తెలుగు సినిమాలు ఏవేవి బాలీవుడ్లో రీమేక్ అవ్వబోతున్నాయంటే?
క్రేజీ హీరోలను లాంచ్ చేసే అవకాశాన్ని మిస్ చేసుకున్న డైరెక్టర్లు?