బాహుబలి కంక్లూజన్ ట్రైలర్ గురువారం రిలీజ్ అయి సంచలనం సృష్టిస్తోంది. 140 సెకన్ల నిడివిగల ఈ వీడియోని విడుదలయిన 24 గంటల్లో 5 కోట్లమంది చూసారు. ఈ ట్రైలర్ చూసిన ప్రతి ఒక్కరూ దర్శకధీరుడు ఎస్.ఎస్. రాజమౌళిని అభినందించక ఉండలేకపోతున్నారు. ప్రశంసలు గుప్పించినవారిలో టాలీవుడ్ స్టార్ హీరోలు కూడా ఉన్నారు. బాహుబలి ట్రైలర్ యూట్యూబ్ లో రిలీజ్ అయినా వెంటనే చూసిన ఎన్టీఆర్, తన ఫీలింగ్ ని ట్విట్టర్లో షేర్ చేసుకున్నారు.
“ఈ ట్రైలర్ ఇచ్చిన అనుభూతి మాటల్లో చెప్పలేనిది. మరే దేనితోనూ పోల్చలేనిది. ఈ వీడియో చూస్తున్నంత సేపు రక్తం ఉరకలెత్తింది. ఆ విజువల్స్ చూసి ఊపిరి తీసుకోవడమే మరిచిపోయాను. హ్యాట్సాఫ్ జక్కన్న” అంటూ ట్వీట్ చేశారు. అతనితో పాటు ఎనర్జిటిక్ హీరో రామ్ ఈ ట్రైలర్ పై స్పందిస్తూ ” రాజమౌళి ఈజ్ బ్యాక్ .. వాట్ ఏ ట్రైలర్” అంటూ ఆకాశానికెత్తేశాడు. భారతీయ సినీ పరిశ్రమ గర్వించేలా ఈ ట్రైలర్ ఉందంటూ ప్రశంసలు కురిపించాడు.
Also, do SUBSCRIBE to our YouTube channel to get latest Tollywood updates.
