ఆర్ ఆర్ ఆర్ విడుదల వాయిదా ఎన్టీఆర్ ఫ్యాన్స్ లో అంతకంతకూ అసహనం పంచేస్తుంది. అనుకున్న సమయానికి కంటే ఆరు నెలలు వాయిదాపడిన ఆర్ ఆర్ ఆర్ 2021 జనవరిలో వస్తుంది అనుకుంటే నిర్మాత దానయ్య జనవరికి కూడా కష్టమే అని చెప్పి బాంబ్ పేల్చారు. సంక్రాంతి మిస్సయితే ఆర్ ఆర్ ఆర్ ఇక సమ్మర్ కి రావాల్సిందే. ఇప్పటికే ఎన్టీఆర్ వెండితెరపై కనిపించి ఏడాదిన్నర అవుతుంది. ఎన్టీఆర్ ని వెండితెరపై ఎప్పుడు చూద్దామా అని వారు ఆతృతగా ఎదురు చూస్తుంటే వరుస వాయిదాలు వారి ఉత్సాహాన్ని నీరుగారుస్తున్నాయి.
తాజా వాయిదాతో మరో ఏడాది పాటు ఎన్టీఆర్ వెండితెరపై కనిపించే పరిస్థితి లేదు. ఇప్పటికే 2019, 2020 ఎన్టీఆర్ నుండి మూవీ లేకుండా గడిచిపోనున్నాయి. వాస్తవానికి ఆర్ ఆర్ ఆర్ జనవరికే రావాల్సివుండగా లాక్ డౌన్ కారణంగా షూటింగ్ వాయిదా పడడంతో మళ్ళీ వెనక్కి వెళ్లాల్సిన పరిస్థితి ఏర్పడింది. భారీ చిత్రం కావడంతో కొద్దిమందితో సినిమా పూర్తి చేయడం అనేది జరగని పని. విదేశీ నిపుణులు మరియు నటులు పనిచేస్తున్న ఈ చిత్రాన్ని హడావుడిగా తెరకెక్కించడం వీలులేని నేపథ్యంలో విడుదల వాయిదా తప్ప వేరే మార్గం లేదు.
ఇక ఎన్టీఆర్ పుట్టిన రోజు కానుకగా రానున్న ఫస్ట్ లుక్ వీడియో మాత్రమే ఫ్యాన్స్ కి కొంచెం ఉపశమనం ఇచ్చే అంశం. నిర్మాత దానయ్య ఎన్టీఆర్ పుట్టినరోజు కానుకగా ఫస్ట్ లుక్ వీడియో ఉంటుందని స్పష్టత ఇవ్వగా దాదాపు మరో ఏడాది ఎన్టీఆర్ ఫ్యాన్స్ దానితో సరిపెట్టుకోవలసిందే.
Most Recommended Video
దిల్ రాజు రెండో పెళ్ళి చేసుకున్న అమ్మాయి ఎవరో తెలుసా?
ఈ ఏడు రీజన్స్ తెలిస్తే ఆర్ ఆర్ ఆర్ ని వదిలిపెట్టరు
అతి తక్కువ వయసులో లోకం విడిచిన తారలు
