యంగ్ టైగర్ ఎన్టీఆర్ ప్రస్తుతం వరుస హిట్లతో ఫుల్ ఫామ్లో ఉన్నారు. అదే జోరును బుల్లి తెరపైన కూడా కొనసాగించడానికి సిద్ధమయ్యారు. కలర్స్ ఛానల్లో బాగా పాపులర్ అయిన బిగ్ బాస్ షోని తెలుగులో స్టార్ మా ఛానల్ వాళ్లు నిర్మిస్తున్నారు. ఈ షోకి హోస్ట్ గా తారక్ ని తీసుకున్నారు. అధికారిక ప్రకటన రాకపోయినప్పటికీ టీవీ వర్గాల్లో ఈ వార్త వేగంగావ్యాప్తి చెందుతోంది. ఈ షోకి సంబంధించిన మరో వార్త కూడా ఇప్పుడే బయటికి వచ్చింది. ఒక సీజన్ కి ఎన్టీఆర్ 7 కోట్లు అందుకోనున్నట్లు సమాచారం.
తెలుగు టెలివిజన్ రంగంలో ఇంత మొత్తం ఎవరూ అందుకోలేదు. మెగాస్టార్ చిరంజీవి మీలో ఎవరు కోటీశ్వరుడు ఒక సీజన్ మొత్తానికి 4 కోట్లు అందుకున్నారు. ఇప్పటివరకు ఇదే అత్యధిక పారితోషికంగా ఉన్నింది. ఈ రికార్డును తారక్ బీట్ చేశారు. భారీ సెట్ తో, బడ్జెట్ తో నిర్మితంకానున్న ఈ కార్యక్రమం టీఆర్పీ రేటింగ్ లోను రికార్డులు సృష్టిస్తుందని అభిమానులు చెబుతున్నారు.
Also, do SUBSCRIBE to our YouTube channel to get latest Tollywood updates.
