సోషల్ మీడియాలో పోస్ట్ చేసే కొంతమంది రివ్యూల కారణంగా సినిమాల కలక్షన్స్ తగ్గుతున్నాయి. కొన్ని సినిమాలు అయితే దారుణంగా దెబ్బతిన్న సందర్భాలున్నాయి. ఈ విషయంపై ఎన్టీఆర్ రీసెంట్ గా మండిపడ్డారు. సినిమా రివ్యూ రాసేవారిని దారినపోయే దానయ్యలుగా పోల్చారు. దీంతో సినీ విశ్లేషకులు తారక్ పై మండి పడుతున్నారు. మేము సినిమా బాగుంటే బాగుందని, లేకుంటే లేదని చెబుతామని స్పష్టం చేశారు. సూపర్ స్టార్ మహేష్ బాబు ఈ గొడవలో సమీక్షాదారులకే మద్దతు పలికారు. అయితే ఎన్టీఆర్ కే ఎక్కువ సపోర్ట్ లభిస్తోంది. బాహుబలి ప్రొడ్యూసర్ శోభు యార్లగడ్డ..”సగం సినిమాని చూస్తూ మొబైల్‌లో రివ్యూలు రాసేవారు తమ పనికి న్యాయం చేయలేరని ట్విట్టర్‌లో పోస్ట్ చేశారు.
కొత్త మూవీని చూసేముందు అందుకోసం కష్టపడినా వాళ్ల గురించి ఆలోచించాలని సూచించారు. హీరో మంచువిష్ణు కూడా ఎన్టీఆర్ మాటలను సమర్థించాడు. మూవీ చూస్తూనే అప్‌డేట్స్ ఇవ్వడం సరికాదని చెప్పారు. ఇలా రోజురోజుకి సమీక్ష పై చర్చ పెరుగుతోంది. ఈ వివాదం ఎంత వరకు పోతుందోనని టాలీవుడ్ వర్గాల వారు ఆందోళన వ్యక్తం చేస్తున్నారు.
