యంగ్ టైగర్ ఎన్టీఆర్ నెక్ట్స్ మూవీ విషయంలో కొనసాగనున్న సస్పెన్స్ కి తెర పడింది. జనతా గ్యారేజ్ తర్వాత ఆయన చేయనున్న సినిమా ఫిక్స్ అయింది. ఎన్టీఆర్ 27 వ మూవీని తమ ఎన్టీఆర్ ఆర్ట్స్ బ్యానర్లో చేస్తున్నట్లు నిర్మాత నందమూరి కళ్యాణ్ రామ్ ఈ రోజు ఉదయం ట్విట్టర్ వేదికపై ప్రకటించారు. ఈ చిత్రం బాబీ దర్శత్వంలో తెరకెక్కనుందని వెల్లడించారు. ఈ విషయాన్నీ మీతో(ఫ్యాన్స్) పంచుకోవడం చాలా సంతోషంగా ఉందని వివరించారు. జనతా గ్యారేజ్ చిత్రం నేటితో వంద రోజులు పూర్తి అయిన సందర్భంగా నందమూరి అభిమానులకు ఈ శుభవార్తను చెప్పారు.
హీరోయిన్ ఎవరు అనే విషయాన్నీ మాత్రం కళ్యాణ్ రామ్ వెల్లడించలేదు. బాబీ సన్నిహితులు అందించిన సమాచారం మేరకు ఇందులో తారక్ జోడీగా సమంత నటించనుంది. మొదట కాజల్ అగర్వాల్ ని పరిశీలించారు కానీ.. ఆ ఛాన్స్ క్యూట్ బ్యూటీకి వెళ్ళింది. సంక్రాంతి తర్వాత సెట్ మీదకు వెళ్లనున్న ఈ మూవీలో ఎన్టీఆర్ కొత్తగా కనిపించడానికి ట్రై చేస్తున్నారు. హై ఇంటెన్సిటీ ట్రైనింగ్ (హిట్) పేరుతో టోన్డ్ బాడీ కోసం ఎన్టీఆర్ కసరత్తులు మొదలెట్టారు. ఇందుకోసం ప్రత్యేకంగా ట్రైనర్ ని ఎంపిక చేసుకున్నారు.
Also, do SUBSCRIBE to our YouTube channel to get latest Tollywood updates.
