యంగ్ టైగర్ ఎన్టీఆర్ 27వ మూవీ ప్రారంభానికి ముహూర్తం కుదిరింది. బాబీ దర్శకత్వంలో తెరకెక్కనున్న మూవీ ఓపెనింగ్ తేదీని ఫిక్స్ చేశారు. ఎన్టీఆర్ ఆర్ట్స్ బ్యానర్లో రూపుదిద్దుకోనున్న ఈ ఫిల్మ్ ని తొందరగా పట్టాలెక్కించడానికి నిర్మాత కళ్యాణ్ రామ్ చేసిన ప్రయత్నాలు ఫలించాయి. ఫిబ్రవరి 11 న పూజా కార్యక్రమాలు నిర్వహించాలని డిసైడ్ అయ్యారు. వెంటనే రెగ్యులర్ షూటింగ్ కి వెళ్లనున్నారు. భారీ బడ్జెట్ తో కల్యాణ్‌రామ్ నిర్మిస్తున్న మూవీలో ఎన్టీఆర్ మూడు పాత్రలో మెప్పించనున్నారు. అందుకు తగ్గట్టుగా నట విశ్వరూప అనే టైటిల్ ని పరిశీలించినట్లు తెలిసింది.
ఆ మూడు పాత్రలను అద్భుతంగా చూపించడానికి బాలీవుడ్ కెమెరా మెన్ సీ కే మురళీధరన్ ని తీసుకున్నారు. ఇందులో హీరోయిన్స్ గా కాజల్ అగర్వాల్, మంజిమ మోహన్, అనుపమ పరమేశ్వరన్ నటిస్తారని, హరికృష్ణ, కళ్యాణ్ రామ్ కూడా కీలక పాత్రల్లో కనిపించనున్నారని సమాచారం. టెక్నీషియన్ల, ఆర్టిస్టుల పూర్తి వివరాలు మూవీ ప్రారంభం నాడు నిర్మాణ సంస్థ అధికారికంగా ప్రకటించనుంది.
Also, do SUBSCRIBE to our YouTube channel to get latest Tollywood updates.
