‘ఆర్.ఆర్.ఆర్’ లేటెస్ట్ అప్డేట్..!

ఎన్టీఆర్ – చరణ్ హీరోలుగా తెరకెక్కుతున్న భారీ మల్టీ స్టారర్ చిత్రం ‘ఆర్.ఆర్.ఆర్’. దర్శకధీరుడు రాజమౌళి తెరకెక్కిస్తున్న ఈ భారీ మల్టీస్టారర్ ఇప్పటికే మొదటి షెడ్యూల్ పూర్తి చేసుకుని రెండో షెడ్యూల్ కూడా ప్రారంభమయ్యింది. అయితే రాంచరణ్ కు గాయమవ్వడంతో మూడు వారాల పాటూ షూటింగ్ కు బ్రేక్ పడింది. అయితే హైదరాబాద్ లో చిన్నపాటి ప్యాచ్ వర్క్ ను జూనియర్ ఆర్టిస్టులతో తెరకెక్కిస్తున్నాడట జక్కన్న. ఇక రెగ్యులర్ షూటింగ్ ఏప్రిల్ చివరి వారం నుండీ మొదలవుతుందని అంతా భావించారు. కానీ షూటింగ్ తిరిగి ప్రారంభం కావడానికి మరో 10 రోజుల సమయం పడుతుందని తాజా సమాచారం.

• అవెంజర్స్ ఎండ్ గేమ్ సినిమా రివ్యూ కోసం ఇక్కడ క్లిక్ చెయ్యండి 
• జెర్సీ రివ్యూ కోసం ఇక్కడ క్లిక్ చెయ్యండి 
• చిత్రలహరి రివ్యూ కోసం ఇక్కడ క్లిక్ చెయ్యండి 
• మజిలీ రివ్యూ కోసం ఇక్కడ క్లిక్ చెయ్యండి

అల్లూరి సీతారామరాజు, కొమరం భీమ్ జీవితాల ఆధారంగా ఈ చిత్రం తెరకెక్కుతుంది. ఇందులో అల్లూరి సీతారామరాజు గా చరణ్, కొమరం భీమ్ గా ఎన్టీఆర్ నటిస్తున్నారు. ఇక ఎన్టీఆర్ సరసన ఇద్దరు హీరోయిన్స్ నటిస్తున్నారు. మొదట డైసీ ను హీరోయిన్ గా అనుకున్నప్పటికీ కొన్నికారణాల వల్ల ఆమె తప్పుకుంది. ఇక రెండో హీరోయిన్ గా నిత్యా మీనన్ నటిస్తుందని టాక్ నడుస్తుంది. ఓ గిరిజన యువతి ఎన్టీఆర్ ను ప్రేమిస్తోందట. ఆ పాత్రలోనే నిత్యా మీనన్ నటిస్తుందని వార్తలు వస్తున్నాయి. ఇక ఈ చిత్రంలో అజయ్ దేవగన్, సముద్రఖని కూడా కీలక పాత్రలు పోషిస్తున్నారు.