సోషల్‌ మీడియా టీమ్‌ల యందు… ‘ఓజీ’ సినిమా సోషల్‌ మీడియా టీమ్‌ వేరయా! అని అంటుంటారు. ఎందుకంటే మిగిలిన సినిమాల సోషల్‌ మీడియా, టీమ్‌ ఈ సినిమా సోషల్‌ మీడియా టీమ్‌ చాలా డిఫరెంట్‌. ఫ్యాన్స్‌ ప్రశ్నలకు ఈ టీమ్‌ తరచుగా ఆన్సర్లు ఇస్తూ ఉంటుంది. అది కూడా విచిత్రమైన ప్రశ్నలకు ఇంకా విచిత్రమైన సమాధానాలు చెబుతూ ఉంటుంది. గతంలో ఓసారి పవన్‌ కల్యాణ్‌ అభిమానికి బిర్యానీ, డిజర్ట్‌లు పంపించి వావ్‌ అనిపించుకున్న టీమ్‌…
ఇప్పుడు ఓ వీడియోను షేర్‌ చేసి గూస్‌ బంప్స్‌ తెప్పించింది. పవన్‌ కల్యాణ్‌ హీరోగా సుజీత్‌ తెరకెక్కిస్తున్న చిత్రం (OG Movie) ‘ఓజీ’. ఈ సినిమా కొత్త షెడ్యూల్‌ త్వరలో స్టార్ట్ అవుతుంది అని చెబుతున్నారు. అయితే సెప్టెంబరు 2న పవన్‌ కల్యాణ్‌ పుట్టిన రోజు సందర్భంగా సినిమా నుండి ఓ టీజర్‌ వస్తుందని చెబుతున్నారు. దీని మీద గత కొన్ని రోజులుగా పుకార్లు వస్తున్నా.. ఎక్కడా క్లారిటీ లేదు. అయితే తాజాగా సినిమా టీమ్‌ నుండి అధికారిక సమాచార వచ్చింది.
ఎక్స్ (ట్విటర్‌)లో ఓ అభిమాని పోస్ట్‌కు.. డీవీవీ ఎంటర్‌టైన్మెంట్స్‌ టీమ్‌ రిప్లై ఇచ్చింది. ఇప్పుడు ఆ సమాధానమే వైరల్‌గా మారింది. సెప్టెంబరు 2 దగ్గరపడుతున్న నేపత్యంలో పవన్‌ ఫ్యాన్స్‌కు సర్‌ప్రైజ్‌ ఉంటుందో లేదోనని కొంతమంది సందేహంలో పడ్డారు. ఈ క్రమంలోనే ఓ అభిమాని ‘మైండ్‌ పనిచేయట్లేదు. ఏదో ఒకటి చెప్పండి’ అంటూ పోస్ట్ చేశాడు. దానికి డీవీవీ టీమ్‌ ‘‘ఆగండి.. అన్నీ పేలతాయ్‌.
ఇప్పటి వరకు చూడని స్పెషల్‌ను సెప్టెంబరు 2న మా నుండి ఆశించొచ్చు’’ అని రిప్లై ఇచ్చారు. దాంతోపాటు ‘సాంబ’ సినిమాలోని ‘అన్నీ పేలతాయ్‌’ అని జీవి చెప్పిన డైలాగ్‌ను పోస్ట్ చేసింది. దీంతో పవన్‌ ఫ్యాన్స్‌కి దివాళీ ముందే వచ్చేస్తుంది అంటూ ఫ్యాన్స్‌ కామెంట్స్‌ చేస్తున్నారు. మరి ఆ వీడియోలో ఏముంటుంది, డైలాగా, ఫైటా అనే ఆసక్తి ఉంది. అయితే దీనికి సంబంధించి ప్రీ టీజర్‌ కూడా వస్తుంది అంటున్నారు.
మిడ్ రేంజ్ హీరోలు చేసిన ఈ 10 యాక్షన్ సినిమాలు భారీ నష్టాలు మిగిల్చాయని మీకు తెలుసా?
మెహర్ రమేష్ తో పాటు పెద్ద హీరోలు ఛాన్సులు ఇచ్చినా హిట్లివ్వలేకపోయిన డైరెక్టర్ల లిస్ట్.!
రామ్ నీ బాలయ్య ఏమని తిట్టాడో తెలిస్తే షాక్ అవుతారు..!
