సినిమా టీజర్‌, ట్రైలర్‌, గ్లింప్స్‌ వస్తోంది అంటే… బాగుండాలి, చాలా బాగుండాలి అని కోరుకునేవారు అభిమానులు. అయితే ఇప్పుడు పరిస్థితి మారిపోయింది. ఆ వచ్చే వీడియో కొత్తగా ఉండాలి, ఎక్కడా ఇన్‌స్పైర్‌ (కాపీ) కాకుండా ఉండాలి, మ్యూజిక్‌ ఫ్రెష్‌గా ఉండాలి అనుకుంటున్నారు. అంతలా పరిస్థితి ఎందుకు మారిందో మీకు కూడా తెలిసే ఉంటుంది. ఇప్పుడు ‘దేవర’ విషయంలో కూడా అభిమానులు ఇలా అనుకున్నా… పాత సినిమాల రిఫరెన్స్‌లు వచ్చి ఇబ్బందులు పెడుతున్నాయి.
గ్లింప్స్‌ వచ్చిన వెంటనే ఆఖరి బీజీఎం విషయంలో పాత సినిమాల రిఫరెన్స్‌ ఉంది అంటూ పాత వీడియోలను కలిపి దంచేశారు నెటిజన్లు, ట్రోలర్లు. ఇప్పుడు ఇంకాస్త డీప్‌గా చెక్‌ చేసి సీన్‌ బై సీన్‌ లెక్కలు రాస్తున్నారు. అలా గ్లింప్స్‌ ఫస్ట్‌ ఫ్రేమ్‌, సీన్‌ ఓ హాలీవుడ్ సినిమాలోని సన్నివేశాలకు కాపీ అంటూ వీడియోలు వదులుతున్నారు. దీంతో ఆ వీడియోలో చూపించింది నిజమా కాదా అని వెతుకుతుండటంతో వీడియోలు వైరల్‌గా మారుతున్నాయి.
‘డెవిల్’ సినిమా ప్రచారంలో భాగంగా ‘దేవర’ (Devara) సినిమా హాలీవుడ్ చిత్రంలా ఉంటుందని అన్నాడు కల్యాణ్‌ రామ్‌. ఆయన ఏ యాంగిల్‌లో అన్నాడో కానీ… ఇప్పుడు గ్లింప్స్‌లోని సీన్‌ హాలీవుడ్ సినిమా నుండే ఎత్తేశారు అని కామెంట్లు చేస్తున్నారు నెటిజన్లు. ‘వైకింగ్స్‌’ ఇంట్రో సాంగ్‌లో నీటిలో తేలియాడే బోట్లు, అమాంతం నీటిలో దూకేయడాలు, సముద్రం నీటిలో రక్తం కలవడం లాంటివి ఉంటాయి. ఇప్పుడు ‘దేవర’ గ్లింప్స్‌లో కూడా అలాంటి సీన్సే ఉన్నాయి.
దీంతో ఆ సీన్స్‌ను ఎత్తేశారు అని కొందరు, కాదు స్ఫూర్తి పొందారు అని మరికొందరు నెటిజన్లు అంటున్నారు. అయితే ఆ సీన్స్‌ ఎవరైనా అలానే తీస్తారని దాంట్లో కాపీ ఏముందని మరికొందరు అంటున్నారు. ఇప్పటికే గ్లింప్స్‌ లాస్ట్‌ బీజీఎం ‘కత్తి’, ‘బీస్ట్‌’ మ్యూజిక్‌లా ఉందని విమర్శలు వచ్చాయి. అలా మొత్తంగా గ్లింప్స్‌ కొత్త సీసాలో పాత సారా అంటున్నారు నెటిజన్లు. మరి ఈ విషయంలో టీమ్‌ ఏమైనా స్పందిస్తుందేమో చూడాలి. అయితే ఇలాంటి కామెంట్లకు సినిమా టీమ్‌లు స్పందించే రోజులు ఇప్పుడు లేవు.
https://twitter.com/alwaysBrainy/status/1745105609102704888
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
