ప్రముఖ యాంకర్ అయిన ఓంకార్ డైరెక్టర్ గా మారి ‘జీనియస్’ ‘రాజు గారి గది’ ‘రాజు గారి గది2’ వంటి సినిమాలు తెరకెక్కించిన సంగతి తెలిసిందే. ‘రాజు గారి గది’ సిరీస్ సక్సెస్ అవ్వడంతో ఇప్పుడు ‘రాజు గారి గది 3’ ను తెరకెక్కిస్తున్నాడు. ‘ఓఏకె ఎంటర్టైన్మెంట్స్’ బ్యానర్ లో స్వయంగా తానే నిర్మిస్తున్నాడు. ఓంకార్ తమ్ముడు అశ్విన్ బాబు హీరోగా అవికా గోర్ హీరోయిన్ గా నటిస్తుంది. ఈ చిత్రానికి సంబందించిన ట్రైలర్ లాంచ్ ఇటీవల జరిగింది. ఈ వేడుకలో దర్శక నిర్మాత ఓంకార్ చేసిన కామెంట్స్ సంచలనం సృష్టిస్తున్నాయి.
ఓంకార్ మాట్లాడుతూ.. “జూన్ 21న మొదలు పెట్టిన ఈ చిత్రం జూలై, ఆగష్టు నెలల్లో మొత్తం షూటింగ్ కంప్లీట్ చేసి ట్రైలర్ తో మీ ముందుకు వచ్చాము. ‘రాజు గారి గది’ లో సూపర్ కామెడీ ఉంటుంది. ‘రాజు గారి గది 2’ లో ఆ కామెడీ మిస్సైంది. అందుకే ‘రాజు గారి గది 3’ లో ‘రాజు గారి గది’ కి మించిన మంచి కథ, కామెడీ పుష్కలంగా ఉంటుంది. ఈ క్రమంలో హీరోయిన్ అవికా గోర్ గురించి మాట్లాడుతూ.. ‘ఈ మధ్య టాలీవుడ్ లో సినిమాలు చేయకయినా… ఎటువంటి హెడ్ వెయిట్ లేకుండా అవికా ఈ చిత్రం చేసింది.’ అంటూ చెప్పుకొచ్చింది.
అయితే హెడ్ వెయిట్ అనే కామెంట్స్ ను తమన్నాని ఉద్దేశించే ఓంకార్ అన్నాడని కొంతమంది సోషల్ మీడియాలో కామెంట్స్ చేస్తున్నారు. నిజానికి ‘రాజు గారి గది 3’ మొదలైనప్పుడు తమన్నా నే మెయిన్ లీడ్ అనుకున్నారు. కానీ పారితోషికం విషయంలో అలాగే స్క్రిప్ట్ విషయంలో తేడా రావడంతో తమన్నా తప్పుకుందని కామెంట్స్ వినిపించాయి. కానీ షూటింగ్ మొదలైన కొద్దిరోజులకే తమన్నా… డైరక్టర్ ఓంకార్ ని ఇబ్బంది పెట్టడం మొదలు పెట్టిందట. మధ్యలో వీరిద్దరూ మాటా మాటా కూడా అనుకున్నారట. ఇంత ‘హెడ్ వెయిట్ ఉంటే కష్టం’ అని ఓ సందర్భంలో తమన్నానే డైరెక్ట్ గా అన్నాడట ఓంకార్. అలా ఈ ప్రాజెక్ట్ నుండీ తమన్నా తప్పుకుంది. ఇప్పుడు అవికా గోర్ విషయంలో ‘ఎలాంటి హెడ్ వెయిట్ లేకుండా చేసిందని’ ఒంకోర్ చెప్పినట్టు తెలుస్తుంది.
గ్యాంగ్‌ లీడర్ సినిమా రివ్యూ కోసం ఇక్కడ క్లిక్ చెయ్యండి
పహిల్వాన్ సినిమా రివ్యూ కోసం ఇక్కడ క్లిక్ చెయ్యండి
