తెలుగు సినిమా పరిశ్రమలో పెళ్లి అనే మాట రాగానే గుర్తొచ్చే పేర్లు… హీరోల్లో ప్రభాస్, హీరోయిన్లలో అనుష్క. ఇద్దరి మధ్య వచ్చిన పెళ్లి కామెంట్స్ పక్కనపెడితే… వీళ్ల పెళ్లి ఎప్పుడు, ఎవరితో అనే మాట మాత్రం వినిపిస్తూనే ఉంటుంది. ప్రభాస్ అయితే ఈ ప్రశ్న అడిగే అవకాశమే లేకుండా వరుసగా సినిమాలు చేసుకుంటూ వెళ్తున్నారు. మరోవైపు ఈ మాట అడుగుదామంటే ఎక్కడా కనిపించకుండా తిరుగుతోంది అనుష్క. దీంతో ఆమె పెళ్లి గురించి పుకారుజనులు ఎప్పుడూ ఏదో పుకారు తెస్తూనే ఉన్నారు. ఈ క్రమంలో మరోసారి అనుష్క పెళ్లి వార్తల్లో నిలిచింది.
అనుష్క వివాహం ఎవరితో అనే మాట చూస్తే… గత కొంతకాలంగా మీడియాలో చాలా పేర్లు వినిపించాయి. ప్రముఖ నిర్మాత అని కొందరు, ప్రముఖ దర్శకుడి తనయుడు అని ఇంకొందరు, ప్రముఖ వ్యాపారవేత్త అని మరికొందరు చెబుతుండేవారు. దీంతో అనుష్క అప్పుడప్పుడు తన పెళ్లి గురించి వచ్చే పుకార్లను కొట్టిపారేస్తూ వచ్చేది. అయితే ఇటీవల కాలంలో పుకార్ల పరంపర పెరిగే సరికి వాటి గురించి చర్చించడం మానేసింది. అయితే ఇప్పడు మరోసారి ఆమె స్పందించాల్సిన సమయం వచ్చిందేమో.
దుబాయికి చెందిన ప్రముఖ పారిశ్రామిక వేత్తను అనుష్క త్వరలో పెళ్లి చేసుకోబోతోంది అనే టాక్ గట్టిగా వినిపస్తోంది. వాళ్లకు దగ్గర బంధువు/మిత్రడి కుటుంబానికి చెందినవాడే వరుడు అని కూడా అంటున్నారు. కరోనా పరిస్థితులు సద్దుమణిగాక పెళ్లి గురించి ప్రకటన ఉండొచ్చని టాక్. మరి ఈసారైతే పుకారు నిజమవుతుందా? స్వీటీ పెళ్లి కూతురు అవుతుందా అనేది చూడాలి. అన్నట్లు పెళ్లి అయిపోతే అనుష్క దుబాయి వెళ్లిపోతుందనే టాక్ కూడా వస్తోంది. చూద్దాం ఏమవుతుందో.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
