బిగ్‌బాస్‌ ఇంట్లో హారికను అందరూ చోటూ అని పిలుస్తుంటారు. ఇంట్లో అందరూ ఎంతో ప్రేమగా కూడా చూసుకుంటారు. దీంతో ఆమె కూడా అందరితో అభిమానంగా ఉంటూ వస్తోంది. అయితే ఆ అభిమానాన్ని ఇంటి సభ్యులు క్యాష్‌చేసుకుంటున్నారా? ఏమో గత కొద్ది రోజుల నుంచి ఆమెకు ఇంట్లో ఎదురవుతున్న పరిస్థితులు చూస్తుంటే అదే నిజమా అనిపిస్తోంది. మంగళవారం టెలికాస్ట్‌ అయిన ఎపిసోడ్‌లో మంచి మనుషులు వర్సెస్‌ కొంటె రాక్షసులు టాస్క్‌ జరిగింది. ఇందులో బిగ్‌బాస్‌ ఇచ్చిన టాస్క్‌లు చేసి, రాక్షసులను మనుషులుగా మార్చాలి. ఇందులో భాగంగా మనుషులు ఇద్దరు రాక్షసుల్ని మనుషులగా మార్చారు.
రాక్షసుల్ని మనుషులుగా మార్చడంలో హౌస్‌మేట్స్‌ ఆడిన ఆటను మెచ్చుకోవాల్సిందే. కొంటె రాక్షసులు సృష్టించిన అడ్డంకులను చక్కగా ఎదుర్కొంటూ ఫస్ట్ టాస్క్‌లో పువ్వుల దండలో సిద్ధం చేశారు. ఈ సమయంలో అభిజీత్ స్మార్ట్‌ గేమ్‌ మరోసారి వర్కవుట్‌ అయ్యిందని చెప్పొచ్చు. రెస్ట్‌ రూమ్‌కి వెళ్లి దండలు కూర్చండని అభిజీత్ మనుషుల టీమ్‌కి సూచించడం కనిపిస్తుంది. పువ్వుల దండ టాస్క్‌లో నెగ్గగానే అఖిల్‌ను మనిషిగా మార్చేశారు. ఈ విషయంలో పెద్ద డ్రామా ఏమీ కనిపించలేదు.
ఇక రెండో టాస్క్‌గా బిగ్‌బాస్‌ మట్టి ప్రమిదలు చేయమని ఇచ్చారు. 100 ప్రమిదలు చేయమంటే ఇంటి సభ్యలు 160 వరకు చేసి గెలిచారు. ఈ టాస్క్‌ విషయంలో పోటీ గట్టిగానే కనిపించింది. అఖిల్ వాష్‌ రూమ్‌లో కూర్చొని ప్రమిదలు చేయగా, నోయల్‌ స్టోర్‌ రూమ్‌లో కూర్చొని చేశాడు. నోయల్‌ను ఆపగలిగినా.. అఖిల్‌ను రాక్షసులు ఆపలేకపోయారు. ఇంకో రాక్షసుడిని మనిషిగా చేసే క్రమంలో అసలు డ్రామా మొదలైంది. ఇంటి సభ్యులు తొలుత మెహబూబ్‌ను మనిషిగా మార్చేద్దాం అనుకున్నారు. దీంతో అభిజీత్ ఫార్ములాను ఫాలో అవుతూ అవినాష్‌, మెహబూబ్, ఆరియానా ఒకే వాష్‌ రూమ్‌లో దాక్కున్నారు. ఎవరు పిలిచినా రాలేదు.
మెహబూబ్ కోసం అందరూ వెతుకుతున్న సమయంలో హారిక బెడ్‌ వెనుక దాక్కుంది. ఆమెను సోహైల్‌ కనిపెట్టి ఔట్‌ అన్నాడు. తొలుత ఆమెను ఔట్‌ చేయాలని ఎవరూ అనుకోలేదు. ఇక మెహబూబ్ వాష్‌ రూమ్‌ నుంచి బయటకు రాడని అర్థమయ్యేసరికి హారికను ఔట్‌ చేసి మనిషిగా మార్చేశారు. ఈ విషయంలో హారిక చాలా హర్ట్‌ అయ్యింది. తనను మనిషిగా మార్చాలని తొలుత అనుకోలేదని, మెహబూబ్ దొరక్క తనను ఎంచుకున్నారని బిగ్‌బాస్‌కు చెప్పింది. తొలుత మనిషిగా మారదాం అనుకున్నా… వాళ్ల విధానం నచ్చలేదని కూడా చెప్పింది.
హోటల్‌ టాస్క్‌ విషయంలో హారిక దగ్గర అభిజీత్ స్మార్ట్‌ గేమ్‌ ఆడే ప్రయత్నం చేస్తే హారిక బిగ్‌బాస్‌కు చెప్పి అభి పాచిక పారకుండా చేసింది. ఇప్పుడు అదే స్టయిల్‌లో బిగ్‌బాస్‌ నుంచి స్పందన వస్తుందని హారిక ఊహించింది. అయితే బిగ్‌బాస్‌ నుంచి ఈసారి ఎలాంటి స్పందన రాలేదు. దీంతో హారిక మనిషిగా మారిపోయింది. ఇదంతా చూస్తుంటే ఆమెను కావాలనే ఔట్‌ చేశారనే వాదనలు నెటిజన్లు చేస్తున్నారు. చూద్దాం మరొకరు ఈ టాస్క్‌లో మనిషిగా మారాల్సి ఉంది. ఆరియానా, అవినాష్‌, మెహబూబ్‌లో ఆ ఒక్కరు ఎవరవుతారో?
Most Recommended Video
టాలీవుడ్ లో తెరకెక్కిన హాలీవుడ్ చిత్రాలు!
బిగ్‌బాస్‌ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
